قازاقستان نەمىس كومپانيالارىمەن ىنتىماقتاستىقتى كەڭەيتە تۇسپەك
وندا بىرلەسكەن ينۆەستيتسيالىق جوبالاردى ىسكە اسىرۋ بارىسى مەن قازاقستان- گەرمانيا ەكونوميكالىق ىنتىماقتاستىعىن ودان ءارى كەڭەيتۋ جوسپارلارى تالقىلاندى. شاراعا Linde Gas, SIEMENS، Bayer، WILO Central Asia, Lufthansa Group جانە ت. ب. نەمىس كومپانيالارىنىڭ وكىلدەرى قاتىستى. كەزدەسۋدە ەكونوميكانىڭ ءتۇرلى سالالارى، اتاپ ايتقاندا، ماشينا جاساۋ، مەتاللۋرگيا، ەنەرگەتيكا، تاۋ- كەن مەتاللۋرگيا كەشەنى ماسەلەلەرى تالقىلاندى. نەمىس ارىپتەستەر الەمدىك نارىقتىڭ تۇراقسىزدىعى جاعدايىندا قازاقستان بيزنەستى دامىتۋ جانە جاڭا ينۆەستيتسيالار ءۇشىن تارتىمدى ەلگە اينالىپ كەلە جاتقانىن اتاپ ءوتتى. وسىلايشا، گەرمانيا ەكونوميكاسىنىڭ ورتالىق ازياداعى وكىلدىگىنىڭ باسشىسى حوۆسەپ ۆوسكانيان قازاقستانداعى ىسكەرلىك احۋالدىڭ قولايلى دەڭگەيىن، سونىمەن قاتار نەمىس بيزنەسى قازاقستان رەسپۋبليكاسىنىڭ پرەزيدەنتى قاسىم- جومارت توقايەۆ جۇرگىزىپ جاتقان ينستيتۋتسيونالدىق رەفورمالاردى قولدايتىنىن ايتتى.
«Siemens» ج ش س باس ديرەكتورى دياس اسانوۆ كومپانيا قازىردىڭ وزىندە رەسپۋبليكامىزدا سيفرلىق ترانسفورماتسيالاۋ بويىنشا پيلوتتىق جوبالاردى جۇزەگە اسىرىپ جاتقانىنا توقتالدى. بولاشاقتا Siemens كولىك سالاسىندا يننوۆاتسيالىق شەشىمدەردى ەنگىزۋ بويىنشا ينفراقۇرىلىمدىق جانە تەحنولوگيالىق ارىپتەس رەتىندە وسىنداي جوبالارعا قاتىسۋعا مۇددەلى. ءوز كەزەگىندە «بايەر KAZ» ج ش س باس ديرەكتورى لاۋما ۆالتەرە ۇكىمەتتىڭ نازارىن جانە اشىق ديالوگقا ءارقاشان دايىن ەكەنىن اتاپ ءوتتى، بۇل بيزنەس كليماتتى ودان ءارى جاقسارتۋعا ىقپال ەتەدى.
ل. ۆالتەرە جاڭا يننوۆاتسيالىق پرەپاراتتاردى سەرتيفيكاتتاۋ تەتىگىن وزگەرتۋدى ۇسىندى. تاۋ- كەن مەتاللۋرگيا كەشەنى جوبالارىن دەمونوپوليزاتسيالاۋ ماسەلەلەرىن «thyssenkrupp Industrial Solutions» ج ش س باس ديرەكتورى رومان كارل كوتەردى. كومپانيا تاۋ- كەن، سەمەنت جانە حيميا ونەركاسىبىندەگى ونىمدەر مەن قىزمەتتەردىڭ كەڭ سپەكترىن ۇسىنۋعا دايىن ەكەنىن مالىمدەدى. كەلىسسوزدەر تاراپتاردىڭ ودان ءارى ءوزارا ءتيىمدى ىنتىماقتاستىققا مۇددەلىلىگى مەن دايىندىعىن كورسەتتى.
