پاۆلودار پوليتسيا دەپارتامەنتىنىڭ ەكس- باستىعى ماسىموۆكە ىزدەۋ جاريالاندى
بۇل تۋرالى قازاقپارات اگەنتتىككە سىلتەمە جاساپ حابارلايدى.
«پاۆلودار وبلىسى بويىنشا سىبايلاس جەمقورلىققا قارسى قىزمەتى پاۆلودار وبلىسى پوليتسيا دەپارتامەنتىنىڭ ەكس- باستىعى پوليتسيا گەنەرال- مايورى ن. م. ماسىموۆكە قاتىستى اسا ءىرى مولشەردە پارا الدى دەگەن كۇدىكپەن سوتقا دەيىنگى تەرگەۋدى باستادى (قىلمىستىق كودەكستىڭ 366-بابى 4-بولىگى بويىنشا). وسى فاكتى بويىنشا ونىڭ ءىس- ارەكەتى سىرتتاي سارالانىپ، تەرگەۋ سوتى «كۇزەتپەن ۇستاۋ» تۇرىندەگى بۇلتارتپاۋ شاراسىمەن سانكسيالادى. قازىرگى ۋاقىتتا ن. م. ماسىموۆكە ىزدەۋ جاريالاندى، ءىس بويىنشا ونىڭ ورنالاسقان جەرىن انىقتاۋ بويىنشا قاجەتتى جەدەل- ىزدەستىرۋ ءىس- شارالارى جانە ءىستىڭ بارلىق ءمان- جايلارىن انىقتاۋعا باعىتتالعان باسقا دا تەرگەۋ ءىس- ارەكەتتەرى جۇرگىزىلۋدە. تەرگەۋ ناتيجەلەرى بويىنشا ءتيىستى ءىس جۇرگىزۋ شەشىمى قابىلداناتىن بولادى»، - دەلىنگەن حابارلامادا.
وزگە اقپارات قىلمىستىق ءىس جۇرگىزۋ كودەكسىنىڭ 201-بابىنا سايكەس جاريا ەتۋگە جاتپايدى. ايتا كەتسەك، نۇرلان ءماسىموۆ ق ر ۇ ق ك بۇرىنعى باسشىسى كارىم ءماسىموۆتىڭ نەمەرە ءىنىسى.
ەستەرىڭىزگە سالا كەتەيىك، ۇلتتىق قاۋىپسىزدىك كوميتەتىنىڭ بۇرىنعى ءتوراعاسى كارىم ماسىموۆكە قاتىستى وسى جىلدىڭ 6- قاڭتارىندا ۇ ق ك قازاقستان رەسپۋبليكاسى قىلمىستىق كودەكسىنىڭ 175-بابى 1-بولىگىمەن مەملەكەتكە ساتقىندىق فاكتىسى بويىنشا سوتقا دەيىنگى تەرگەۋ باستالدى. بيىل ناۋرىز ايىندا باس پروكۋرور بەرىك اسىلوۆ ۇلتتىق قاۋىپسىزدىك كوميتەتىنىڭ بۇرىنعى ءتوراعاسى مەن ونىڭ ءۇش ورىنباسارىنا، ەكى بولىمشە باستىعىنا قاتىستى بىرنەشە ءىس قوزعالىپ، تەرگەلىپ جاتقانىن ايتتى.
