بەلگيانىڭ ءمينيسترى كۇيەۋىنىڭ سىرقاتىنا بايلانىستى قىزمەتىن ۋاقىتشا توقتاتتى

بريۋسسەل. قازاقپارات - بەلگيا كورولدىگىنىڭ سىرتقى ىستەر ءمينيسترى سوفي ۆيلمەس الەۋمەتتىك جەلى ارقىلى ەل حالقىنا ۇندەۋ جولدادى. مينيسترلىك باسشىسى ناۋقاس كۇيەۋىنە قاراۋ ءۇشىن قىزمەتىنەن ۋاقىتشا كەتۋگە ءماجبۇر بولعانىن ايتتى، دەپ حابارلايدى قازاقپارات.
None
None

سوفي ۆيلمەس Twitter - دەگى اشىق حاتىندا كۇيەۋى كريستوفەرگە مي ىسىگىنىڭ اگرەسسيۆتى ءتۇرى دياگنوزى قويىلعانىن حابارلادى.

«وكىنىشكە قاراي، ءومىر كەيدە بىزگە اۋىر وزگەرىستەر اكەلەدى. بۇل اۋىر دەرت ءبىزدىڭ ومىرىمىزگە، اتاپ ايتقاندا، كۇيەۋىم كريستوفەردىڭ ومىرىنە كەنەتتەن كىردى. ەندى ول مي ىسىگىنىڭ اگرەسسيۆتى ءتۇرى دياگنوزىمەن كۇرەس جولىنا ءتۇسۋى كەرەك. بۇل اۋىر سىناقتىڭ مەنىڭ وتباسىما، بەلگيا ۇكىمەتىندەگى رولىمە زاردابى ءتيدى. مەملەكەتتىك قىزمەتكەر بولۋ قاتاڭدىق، قولجەتىمدىلىك جانە قىزمەتكە تولىق بەرىلگەندىكتى تالاپ ەتەدى، بۇل ماعان وسىناۋ قيىن كەزەڭدە جۇبايىم مەن بالالارىمىزعا قاجەت كومەك پەن قامقورلىق كورسەتۋگە مۇمكىندىك بەرمەيدى»، - دەدى س. ۆيلمەس.

ول پرەمەر- مينيستر كورولگە ءوزىنىڭ اتقارۋشى بيلىكتەگى وكىلەتتىكتەرىن ۋاقىتشا قايتا قۇرۋدى ۇسىناتىنىن ايتتى.

«مەن جوقتا وسى ءىستى قولعا الاتىن پرەمەر- مينيستر ا. دە كروو جانە ارىپتەستەرىم داۆيد كلارينۆال مەن ماتە ميشەلگە الدىن الا راحمەتىمدى ايتامىن»، - دەپ جازدى بەلگيانىڭ سىرتقى ىستەر ءمينيسترى.

اۆتور: زارينا تۋعانبايەۆا

سوڭعى جاڭالىقتار