بالا تۋۋ قۇجاتتارىن راسىمدەۋ بۇرىنعىدان دا ىڭعايلى بولدى

نۇر- سۇلتان. قازاقپارات - ەندى ازاماتتار بالانىڭ تۋۋىن تىركەۋ قىزمەتىن eGov.kz پورتالىنا كىرمەي- اق، نەعۇرلىم ىڭعايلى پرواكتيۆتى فورماتتا الا الادى، دەپ حابارلايدى قازاقپارات.
None
None

eGov.kz پورتالىنىڭ مالىمەتىنشە، بۇل قىزمەتتە SMS حابارلامالار مەن حابارلاندىرۋلار قولايلى پروتسەسسكە وڭتايلاندىرىلعان. سەبەبى، مەملەكەت ازاماتقا بەلگىلى ءبىر تۇرمىستىق جاعدايعا قاجەتتى قىزمەتتى الۋدى ءوزى ۇسىنادى. ول ءۇشىن ەشقايدا بارۋدىڭ قاجەتى جوق، تەك SMS- كە جاۋاپ رەتىندە قاجەتتى اقپاراتتى جىبەرسە جەتكىلىكتى.

«بالا تۋعاننان كەيىن ءبىر تاۋلىك ىشىندە اقپاراتتىق جۇيە مەديتسينالىق مەكەمەدەن حابارلاما الىپ، بالانىڭ اتا- اناسىنا قىزمەت كورسەتۋ ءۇشىن قاجەتتى اقپاراتتى الۋ ماقساتىندا كەزەڭ- كەزەڭىمەن 1414 نومىرىنەن SMS جىبەرەدى. بۇرىن ازاماتتار SMS حابارلامالاردى باسقا فورماتتا الاتىن. ەندى پروتسەسس الدەقايدا جەڭىلدەدى، الدەبىر ارىپتەردى كورسەتۋ تالاپ ەتىلمەيدى، تەك قويىلعان سۇراقتارعا جاۋاپ بەرۋ كەرەك»، - دەپ جازىلعان اقپاراتتا.

قىزمەتتى پايدالانۋ ءۇشىن موبيلدى ازاماتتار بازاسىندا تىركەۋدە بولۋ قاجەت، تىركەۋسىز SMS حابارلاما كەلمەيدى. قىزمەت تەگىن كورسەتىلەدى، تەك تەلەفون نومىرىندە تەڭگەرىم بولۋ كەرەك.

«قىزمەت كورسەتۋ ءۇشىن قاجەتتى مالىمەتتەر ءارتۇرلى مەملەكەتتىك ورگانداردىڭ اقپاراتتىق جۇيەلەرىنەن الىنادى، ال جەتىسپەيتىن مالىمەتتەر بالانىڭ اتا- اناسىنان SMS- ارقىلى سۇرالادى. قىزمەت كورسەتۋ ناتيجەسىندە ازاماتتار بالانىڭ تۋۋ تۋرالى كۋالىگىنىڭ (قاعاز تۇرىندە) دايىن ەكەندىگى تۋرالى SMS حابارلاما نەمەسە باس تارتۋ سەبەبى كورسەتىلگەن دالەلدى جاۋاپ الادى»، - دەلىنگەن رەسمي جازبادا.

سوڭعى جاڭالىقتار