08:03, 22 - ءساۋىر 2022 | GMT +5
گەرمانيا رەسەي مۇنايىنان تولىقتاي باس تارتپاق
نۇر- سۇلتان. قازاقپارات - بۇل تۋرالى وسى ەلدىڭ سىرتقى ىستەر ءمينيسترى اننالەنا بەربوك لاتۆياعا ساپارى بارىسىندا مالىمدەدى، دەپ حابارلايدى «حابار 24».

بەربوك رەسەيدىڭ ۋكرايناعا قارسى اسكەري قيمىلدارىنا قارسى ەۋرووداقتىڭ وزگە ەلدەرىن دە وسىنداي شارا قابىلداۋعا شاقىردى.
ونىڭ ايتۋىنشا، ەۋروپا ءوز قاۋىپسىزدىگىن قورعاۋ ءۇشىن جاڭعىرتىلاتىن ەنەرگيا كوزدەرىنە كوشۋ كەرەك.
اننالەنا بەربوك، گەرمانيا سىرتقى ىستەر ءمينيسترى:
- گەرمانيا رەسەيدىڭ ەنەرگورەسۋستارىن يمپورتتاۋدان تولىقتاي باس تارتادى. كومىردى يمپورتتاۋ بيىلعى جازدىڭ سوڭىنا دەيىن توقتاتىلادى. ال مۇنايدى ساتىپ الۋ جازعا دەيىن 2 ەسە ازايتىلىپ، جىل سوڭىنا قاراي مۇلدەم دوعارىلادى. ودان كەيىن گازعا قاتىستى شەشىمدەر قابىلدانىپ، ارتىنشا ەۋروپالىق جول كارتاسىن جۇزەگە اسىرۋعا كىرىسەمىز.