استانانىڭ ح ق و- لارىندا ج س ن- گە ءوتىنىش بەرۋشى شەتەلدىكتەر كوبەيگەن

«حالىققا قىزمەت كورسەتۋ ورتالىقتارىنىڭ جۇمىسىن باعالايتىن ەكى ولشەم بار. ولار - كۇتۋ ۋاقىتى مەن راسىمدەۋ ۋاقىتى. كۇتۋ ۋاقىتى ازامات كونسۋلتاتسياعا تالون العان ساتتەن باستاپ وپەراتوردىڭ الدىنا كەلگەن كەزگە دەيىن ەسەپتەلەدى. ال راسىمدەۋ ۋاقىتى وپەراتوردىڭ الدىنا كەلگەن ساتتەن قىزمەت الىپ بولعانعا دەيىن ەسەپتەلەدى. 2021 -جىلى كۇتۋ ۋاقىتىنىڭ تالابىن بۇزۋ فاكتىلەرى 3 ەسە قىسقارعان بولاتىن. بيىل قايتا كوبەيدى. ال راسىمدەۋ ۋاقىتى بويىنشا كەرىسىنشە تومەندەۋ بار. بىلتىر كوروناۆيرۋسقا قاتىستى شەكتەۋلەردىڭ اسەرىنەن حالىققا قىزمەت كورسەتۋ ورتالىقتارىنا كەلۋشىلەر سانى قىسقارعان ەدى»، - دەدى ول قالالىق ءماسليحاتتىڭ تۇراقتى كوميسسيا وتىرىسىندا.
سونداي- اق، ول حالىققا قىزمەت كورسەتۋ ورتالىقتارىندا كۇتۋ ۋاقىتىنىڭ تالابى نەگە ءجيى بۇزىلاتىنىن ايتتى.
«بىزدە اقپاراتتىق جۇيەلەردە ءجيى ىركىلىستەر بولادى. مىسالى، مەملەكەتتىك كىرىستەر كوميتەتىنىڭ اقپاراتتىق جۇيەسىندە ىركىلىس پايدا بولسا، اۆتوكولىكتى راسىمدەي الماي قالامىز. ويتكەنى كولىك يەسىنىڭ موينىنداعى سالىقتار مەن ايىپپۇلداردى كورۋىمىز كەرەك. زاڭدى تۇلعالاردىڭ اتىنداعى جىلجىمايتىن مۇلىكتى دە وسى جۇيەدەن قارايمىز. قاڭتار وقيعاسى راسىمدەۋ ۋاقىتىنا قويىلاتىن تالاپتاردىڭ بۇزىلۋىنا اسەر ەتكەن بولاتىن. ينتەرنەتتە شەكتەۋ بولدى. ءبىز جۇمىس ىستەپ تۇرعانىمىزبەن ادامدارعا قىزمەت كورسەتە المادىق. سونداي- اق، شەتەل ازاماتتارىنىڭ ۇلكەن اعىنىن كورىپ وتىرمىز. ونىڭ ىشىندە رەسەيلىكتەر كوپ. جەكە سايكەستەندىرۋ ءنومىرىن الۋشىلاردىڭ ءنوپىرى بار»، - دەدى ءمادي سادانوۆ.
ەسكە سالساق، ەلوردالىق پوليسيا دەپارتامەنتى اكىمشىلىك پوليتسيا باسقارماسىنىڭ باسشىسى ەلجان چۋپەكوۆ جىل باسىنان بەرى 486 ادام كولىك جۇرگىزۋ قۇقىعىنان ايىرىلعانىن ءمالىم ەتكەن بولاتىن. ەسكە سالساق، ق ر ىشكى ىستەر ءمينيسترىنىڭ ءبىرىنشى ورىنباسارى مارات قوجايەۆ 10 مىڭعا جۋىق رەسەيلىكتىڭ قازاقستان ج س ن- ءىن العانىن ءمالىم ەتكەن ەدى.