18:02, 21 - ءساۋىر 2022 | GMT +5
فرانسيا ەۋرووداققا رەسەي مۇنايى يمپورتىن شەكتەۋ ۇسىنىسىن قولدايدى
بريۋسسەل. قازاقپارات - بۇل تۋرالى فرانسيا ەكونوميكا جانە قارجى ءمينيسترى بريۋنو لە مەر ءمالىم ەتتى، دەپ حابارلايدى قازاقپارات مەنشىكتى ءتىلشىسى.

فرانسيا ءمينيسترى «europe-1» راديوستانتسياسىنا بەرگەن سۇحباتىندا رەسەي مۇنايىنا ەمبارگو ەۋرووداق دەڭگەيىندە ازىرلەنىپ جاتقانىن جانە فرانسيا بۇل باستامانى قولدايتىنىن ايتتى.
«تاياۋ اپتادا ەۋروپالىق سەرىكتەستەرىمىزدى رەسەي مۇنايى يمپورتىن توقتاتۋعا كوندىرەمىز»، - دەدى ب. لە مەر.
ەۋروپا ىستەرى جونىندەگى مەملەكەتتىك حاتشى كلەمان بون فرانسيانىڭ رەسەي مۇنايىنا، سونداي- اق رەسەي گازىنا قاتىستى سانكتسيالار بويىنشا ۇسىنىستارىن قولدايتىنىن راستادى. بۇل تۋرالى فرانسۋز ديپلوماتى جەرگىلىكتى «قوعامدىق سەنات» ارناسىندا ايتتى.