ءتىستى «قۇلىپتاۋ» ارقىلى ارىقتاۋعا كومەكتەسەتىن قۇرىلعى جاسالدى

نۇر-سۇلتان. قازاقپارات - جاڭا زەلانديا مەن ۇلى بريتانيانىڭ وتاگو ۋنيۆەرسيتەتىنىڭ عالىمدارى جاھاندىق سەمىزدىك ماسەلەسىمەن كۇرەسۋ ءۇشىن ارنايى قۇرىلعى جاسادى.

DentalSlim Diet Control - ءتىس دارىگەرى تىستەردى بەكىتۋ ءۇشىن ۇستىڭگى جانە استىڭعى تىستەرگە ورناتاتىن قۇرىلعى. قۇلىپ ارنايى ماگنيتتەن جاسالعان. بۇل قۇرىلعىنى ورناتقاننان كەيىن اۋىزدى 2 ميلليمەتر اشىپ سۇيىقتىقتى تۇتىنۋعا بولادى، ءبىراق ول سويلەۋگە جانە تىنىس الۋعا كەدەرگى كەلتىرمەيدى.

زەرتتەۋگە قاتىسۋشىلار 2 اپتادا 6,36 ك گ سالماق تاستاعان. وتاگو ۋنيۆەرسيتەتىنىڭ دەنساۋلىق عىلىمدارىنىڭ جەتەكشى زەرتتەۋشىسى پول برۋتون بۇل قۇرىلعىنىڭ ارتىق سالماعى بار ادامدار ءۇشىن قاۋىپسىز ەكەنىن ايتادى. ونى ءتىس دارىگەرى ورناتادى جانە پايدالانۋشىلاردىڭ وزدەرى الىپ تاستاي الادى. ال، قۇلىپتى ەكىنشى رەت پايدالانۋعا بولادى.

پول برۋتوننىڭ ايتۋىنشا، ادامدار ارىقتاۋعا كەلگەندە ەرەجەلەردى ساقتاۋ قيىنعا سوعادى. جاڭا قۇرىلعى ولارعا جاڭا ادەتتەر، از كالوريالى ديەتانى تۇتىنىپ ۇيرەنۋگە كومەكتەسەدى. سونداي- اق، بۇل قۇرىلعى شىعىنسىز، حيرۋرگيالىق پروتسەدۋرامەن، جاناما اسەرلەرى جوق سالماق تاستاۋعا تارتىمدى بالاما بولا الادى دەپ سانالادى.

قۇرىلعىنى 2-3 اپتا بويى قولدانعان ادام ۇزاق ۋاقىت بويى ءتيىمدى ارىقتاي الادى، سودان كەيىن ونى الىپ تاستاپ، ۇيرەنگەن ديەتا نەگىزىندە ارىقتاۋعا بولادى.

زەرتتەۋلەرگە سايكەس، الەمدە 1,9 ميلليارد ادام ارتىق سالماقتان زارداپ شەگەدى. 650 ميلليون ادام سەمىزدىككە شالدىققان. جىل سايىن 2,8 ميلليون ادام ارتىق سالماقتان قايتىس بولادى. جاعداي وسىلاي جالعاسا بەرسە، 2030 -جىلعا قاراي الەم حالقىنىڭ 57 پايىزى ارتىق سالماقتان زارداپ شەگۋى مۇمكىن.

massaget.kz