مينيسترلەر تۋىستارىنىڭ باسشىلىق قىزمەت اتقارۋىن تالقىلاۋ كەرەك - سەنات ءتوراعاسى

نۇر-سۇلتان. قازاقپارات - مينيسترلەر نەمەسە اكىمدەر تۋىستارىنىڭ باسشىلىق لاۋازىمدارعا كەلۋىنە تىيىم سالۋ ماسەلەسىن تالقىلاۋ كەرەك بولادى.
None
None

بۇل تۋرالى سەنات ءتوراعاسى ماۋلەن اشىمبايەۆ ايتتى، دەپ حابارلايدى قازاقپارات ءتىلشىسى. پالاتانىڭ جالپى وتىرىسىنان كەيىن تىلشىلەر سەنات ءتوراعاسىنان پرەزيدەنت تۋىستارىنا باسشىلىق قىزمەتتەرگە كەلۋىنە تىيىم سالۋ تاپسىرماسىنا قاتىستى سۇراق قويدى.

«ەندى مينيسترلەر جانە باسقا دا ءبىرىنشى باسشىلارعا وسىنداي شارا قولدانۋ كەرەك پە؟»، - دەپ سۇرادى پالاتا ءتوراعاسىنان.

«بۇل ماسەلە قازىر كونستيتۋتسيالىق رەفورمالاردىڭ اياسىندا پرەزيدەنتىككە قاتىستى قارالىپ جاتقانىن بىلەسىزدەر. باسقا تۇلعالارعا قاتىستى، ياعني مينيسترلەرگە نەمەسە اكىمدەرگە بايلانىستى دا قاراۋ كەرەك شىعار. ءبىراق قانداي فورمادا بولاتىنىن قازىر ايتۋ قيىنداۋ. ءبىز الدىمەن كونستيتۋتسياعا وزگەرىستەر ەنگىزەيىك. بۇل باعىتتا جۇمىس ءجۇرىپ جاتقانىن بىلەسىزدەر، جۇمىس توبىنا سەناتورلار دا قاتىسىپ جاتىر»، - م. اشىمبايەۆ وسى ورايدا سەنات ءتوراعاسى كونستيتۋتسياعا ءىرى وزگەرىستەر ەنگىزىلەتىنىن اتاپ ءوتتى.

«سودان كەيىن مۇنداي ماسەلەلەردىڭ بارلىعىن باسقا دا زاڭداردا قاراستىرامىز. ءبىراق ونىڭ قانداي فورمادا بولاتىنىن سول زاڭداردى تالقىلاعان كەزدە اقىلداماسىز»، - دەدى ماۋلەن اشىمبايەۆ.

قازاقستاندا پرەزيدەنتتىڭ جاقىن تۋىستارىنىڭ ساياسي مەملەكەتتىك قىزمەتشىلەر مەن باسشىلار لاۋازىمدارىنا ورنالاسۋعا زاڭنامالىق تىيىم سالىنادى. بۇل تۋرالى مەملەكەت باسشىسى قاسىم-جومارت توقايەۆ حالىققا جولداۋىندا ءمالىم ەتتى. كونستيتۋتسياعا پرەزيدەنتتىڭ جاقىن تۋىستارىنىڭ جوعارى لاۋازىمدارعا وتىرۋىنا تىيىم ەنگىزىلەدى. زاڭ كۇشىنە ەنگەننەن كەيىن پرەزيدەنت تۋىستارى لاۋازىمدارىن بوساتادى. ق ر ادىلەت ءمينيسترى قانات مۋسين لاۋازىمدى قىزمەتكە تاعايىندالا المايتىن پرەزيدەنتتىڭ جاقىن تۋىستارىنا كىمدەر كىرەتىندىگىن ايتتى.

اۆتور: رۋسلان عابباسوۆ


سوڭعى جاڭالىقتار