سەنات تۇركى تىلدەس مەملەكەتتەرمەن ىنتىماقتاستىققا قاتىستى قۇجاتتى قابىلدادى

نۇر-سۇلتان. قازاقپارات - سەناتتىڭ جالپى وتىرىسىندا «ق ر ۇكىمەتى مەن تۇركى اكادەمياسى اراسىنداعى تۇركى اكادەمياسىن ورنالاستىرۋدىڭ شارتتارى مەن ءتارتىبى تۋرالى كەلىسىمدى راتيفيكاتسيالاۋ تۋرالى» زاڭى قابىلداندى، دەپ حابارلايدى قازاقپارات ءتىلشىسى.
None
None

اكادەميانىڭ باستى ماقساتى - تۇركى تىلدەرىن، ادەبيەتى مەن مادەنيەتىن ساقتاۋعا، دامىتۋعا جانە تانىمال ەتۋگە باعىتتالعان تۇركولوگيا سالاسىنداعى زەرتتەۋلەردى ۇيلەستىرۋ. قازىرگى تاڭدا اكادەمياعا مۇشەلىككە قازاقستاننان باسقا قىرعىزستان، ازەربايجان جانە تۇركيا ەلدەرى ەنىپ وتىر.

«اكادەميانىڭ شتاب-پاتەرى نۇر-سۇلتان قالاسىندا ورنالاسقانىنا بايلانىستى كەلىسىمنىڭ ماقساتى - ەلىمىزگە جۇمىس ىستەۋ كەزەڭىندەگى تۇركى اكادەمياسىنىڭ مارتەبەسىن، ونىڭ ارتىقشىلىقتارى مەن يممۋنيتەتتەرىن ايقىنداۋ»، - دەدى ق ر ءبىلىم جانە عىلىم ءمينيسترى اسحات ايماعامبەتوۆ.


ونىڭ ايتۋىنشا، اكادەميادا 17 ادام جۇمىس ىستەيدى. ونىڭ ىشىندە ەكەۋى شەتەل ازاماتى.

كەلىسىم كۇشىنە ەنگەننەن كەيىن اكادەميانىڭ جەرگىلىكتى جانە شەتەلدىك قىزمەتكەرلەرى سىرتقى ىستەر مينيسترلىگىندە اككرەديتتەۋدەن ءوتۋى ءتيىس بولادى. شەتەل قىزمەتكەرلەرى ءۇشىن بۇل ولاردىڭ ەل اۋماعىندا بولۋىنا نەگىز بولىپ سانالادى.

«اكادەميا عىلىمي- زەرتتەۋ جۇمىستارىمەن، كىتاپتار مەن جۋرنالدار شىعارۋمەن اينالىسادى، تۇركى ەلدەرىنىڭ اتاقتى عالىمدارىنا حالىقارالىق فورۋمدار مەن كونفەرەنسيالار وتكىزۋدە، تۇركولوگيا بويىنشا عىلىمي جۇمىستار جۇرگىزۋدە بۇگىنگى كۇنى ۇلكەن بەلسەندىلىك تانىتىپ كەلەدى. تۇركىتىلدەس مەملەكەتتەر ۇيىمىنا قاتىسۋشى ەلدەرمەن ىنتىماقتاستىقتى نىعايتۋدىڭ جانە قازاقستاننىڭ تۇركى الەمىندەگى ءرولىن ارتتىرۋدىڭ ماڭىزدىلىعىن نازارعا الا وتىرىپ، اتالعان زاڭ جوباسىن قولداۋلارىڭىزدى سۇرايمىن»، - دەدى اسحات ايماعامبەتوۆ. زاڭ جوباسىن تالقىلاۋ بارىسىندا دەپۋتاتتار قۇجاتتى قابىلداۋ تۋرالى شەشىم قابىلدادى.


اۆتور: رۋسلان عابباسوۆ


سوڭعى جاڭالىقتار