قىتايدا اپاتقا ۇشىراعان ۇشاق تۋرالى جاڭا دەرەك شىقتى

بەيجىڭ. قازاقپارات - قىتايدىڭ وڭتۇستىگىندە اپاتقا ۇشىراعان Boeing 737 جولاۋشىلار ۇشاعىنىڭ بورتىندا قاۋىپتى جۇك بولماعان.
None
None

بۇل تۋرالى ق ح ر-دىڭ ازاماتتىق اۆياتسيا باسقارماسى جاريالادى، دەپ حابارلايدى قازاقپارات ءتىلشىسى.

حابارلامادا قىتايدا Boeing ۇشاعى اپاتقا ۇشىراعان كۇنى جولاۋشىلار ۇشاعىنىڭ جۇمىسىندا اقاۋ بولماعانى اتاپ ءوتىلدى.

«ۇشاق بورتىندا قاۋىپتى دەپ جىكتەلگەن جۇك بولعان جوق. ۇشۋلاردى باقىلاۋ ينفراقۇرىلىمىنىڭ جۇمىسىندا جانە تەحنيكالىق اقاۋلار انىقتالعان جوق. قاۋىپتى اۋارايى تۋرالى اقپارات تا جاريالانبادى»، - دەلىنگەن قۇجاتتا. 23-ناۋرىزدا قۇتقارۋشىلار ءبىرىنشى «قارا جاشىكتى» تاپتى، ول دىبىس جازۋ قۇرىلعىسى (CVR) بولىپ شىقتى.

27-ناۋرىزدا ەكىنشى ۇشۋ دەرەكتەرىن جازۋ قۇرىلعىسى (DFR) تابىلدى. حالىقارالىق ازاماتتىق اۆياتسيا تۋرالى كونۆەنسياعا سايكەس، وقيعا بولعان كۇننەن باستاپ 30 كۇن ىشىندە تەرگەۋدى ۇيىمداستىراتىن مەملەكەت ي ك ا و- عا الدىن الا تەرگەۋ ەسەبىن جىبەرۋگە مىندەتتى.

«ۇشاق كۋنميڭ قالاسىنداعى چانشۋي اۋەجايىنان جەرگىلىكتى ۋاقىت بويىنشا 13:16-دا كوتەرىلىپ، ساعات 13:27-دە 8900 م بيىكتىككە جەتىپ، 14:17-دە گۋاڭجوۋ اۋە قوزعالىسىن باسقارۋ ايماعىنا كىردى. ساعات 14:20-دا گۋاڭجوۋ ايماقتىق اۋە قوزعالىسىن باسقارۋ رادارىندا «كوماندالىق بيىكتىكتەن اۋىتقۋ» ەسكەرتۋى پايدا بولدى. ساعات 14:21-دە رادار سوڭعى رەت كەلەسى اقپاراتتى تىركەدى: بيىكتىگى - 3380 م، جەر ۇستىندەگى جىلدامدىعى - 1010 ك م/ساع. سودان كەيىن ۇشاقتىڭ راديولوكاتسيالىق سيگنالى جوعالىپ كەتتى»، - دەلىنگەن حابارلامادا.

بۇعان دەيىن ق ح ر ازاماتتىق اۆياتسيا باسقارماسى حابارلاعانداي، Boeing 737 اۋە كەمەسى 2015 -جىلدىڭ ماۋسىم ايىندا پايدالانۋعا بەرىلگەن. اپاتقا دەيىن ۇشاق 8986 ۇشۋدى ورىنداپ، جالپى ۇشۋ ۇزاقتىعى 18239 ساعاتقا جەتكەن.

ەستەرىڭىزگە سالا كەتەيىك، 21-ناۋرىزدا قىتايدىڭ وڭتۇستىگىندەگى گۋاڭشي- جۋاڭزۋ اۆتونوميالىق اۋدانىندا (گ ج ا ر) كۋڭمين قالاسىنان گۋاڭجوۋعا باعىت العان China Eastern Airlines اۋە كومپانياسىنىڭ Boeing 737 جولاۋشىلار ۇشاعى اپاتقا ۇشىراعان بولاتىن. وقيعا ۋجوۋ قالالىق وكرۋگىنە جاقىن تاۋلى ايماقتا بولدى. قىتاي حالىق رەسپۋبليكاسىنىڭ ازاماتتىق اۆياتسيا باسقارماسىنىڭ مالىمەتى بويىنشا، ۇشاق بورتىندا 132 ادام - 123 جولاۋشى (ولاردىڭ اراسىندا شەتەل ازاماتتارى بولعان جوق) جانە 9 ەكيپاج مۇشەسى بولعان.

اۆتور: سماعۇلوۆا ەركەجان


سوڭعى جاڭالىقتار