بانك سەنتركرەديت الفا-بانكتى ساتىپ الماق

«الفا-بانك» ا ق اكسيونەرلەر قۇرامىنان تولىقتاي شىعىپ، ديرەكتورلار كەڭەسىنەن ءوز وكىلدەرىن قايتارادى»، - دەپ جازىلعان «الفا-بانكتىڭ» جەلىدەگى پاراقشاسىندا.
سونداي-اق، حابارلامادا مامىلە جاسالعاننان كەيىن بانكتە رەبرەندينگ جۇرەتىنى ايتىلعان.
«قابىلدانعان شارالار بانكتىڭ ا ق ش پەن ءبىرقاتار باسقا ەلدەردىڭ سانكسيالار تىزىمىنەن شىعۋىنا ىقپال ەتەدى. وسىلايشا، بۇل جەكە جانە زاڭدى تۇلعالارعا ارنالعان بانكتىك قىزمەتتەردىڭ تولىق سپەكترى بار بۇتىندەي قازاقستاندىق بانك بولادى.
«بانك سەنتركرەديت» دەپوزيتورلار الدىنداعى بارلىق مىندەتتەمەلەردى ورىنداۋ ءۇشىن ءوز قاراجاتى ەسەبىنەن قوسىمشا وتىمدىلىكپەن بانكتى قولداۋعا، سول ارقىلى كليەنتتەر ءۇشىن قالىپتاسقان جاعدايدى جەدەل شەشۋگە دايىن» دەلىنەدى.
ەسكە سالا كەتسەك، تاياۋدا «الفا-بانك» پەن «سبەربانككە» سالىنعان سانكسيالار قازاقستان بانكتەرىنە اسەر ەتپەيتىنى ايتىلدى.