«وڭتۇستىك» وڭىرلىك قولباسشىلىعىنىڭ بۇرىنعى باسشىسى قاماۋعا الىندى

نۇر-سۇلتان. قازاقپارات - جامبىل وبلىسىنىڭ بايزاق اۋدانىنداعى جارىلىسقا قاتىستى «وڭتۇستىك» وڭىرلىك قولباسشىلىعىنىڭ بۇرىنعى قولباسشىسى قاماۋعا الىندى، دەپ حابارلايدى قازاقپارات ءتىلشىسى ق ر ىشكى ىستەر مينيسترلىگىنىڭ باسپا ءسوز قىزمەتىنە سىلتەمە جاساپ.
None
None

«19- ساۋىردە پروكۋراتۋرامەن كەلىسىم بويىنشا جامبىل وبلىسى بايزاق اۋدانى ساراكەمەر كەنتىندەگى ءورت پەن جارىلىس فاكتىسى بويىنشا قىلمىستىق ءىس اياسىندا قىلمىستىق كودەكستىڭ 453-بابى بويىنشا كۇدىكتى دەپ تانىلىپ، «وڭتۇستىك» وڭىرلىك قولباسشىلىعىنىڭ بۇرىنعى قولباسشىسى ۋاقىتشا ۇستاۋ يزولياتورىنا قامالدى»، - دەلىنگەن مينيسترلىك تاراتقان حابارلامادا.

ەسكە سالا كەتسەك، بيىل 15- ناۋرىزدا مەملەكەت باسشىسىنىڭ وكىمىمەن قايدار ءساميعوللا ۇلى قاراقۇلوۆ «وڭتۇستىك» وڭىرلىك قولباسشىلىعى اسكەرلەرىنىڭ قولباسشىسى لاۋازىمىنان بوساتىلدى.

ونىڭ ورنىنا مەرەكە كۇشىكبايەۆ «وڭتۇستىك» وڭىرلىك قولباسشىلىعى اسكەرلەرىنىڭ قولباسشىسى بولدى.

سوڭعى جاڭالىقتار