تولىق ەمەس جۇمىس ۋاقىتى جاعدايلارىنداعى جۇمىس تۋرالى كونۆەنسيا راتيفيكاتسيالاندى

بۇل تۋرالى قازاقپارات اقوردانىڭ رەسمي سايتىنا سىلتەمە جاساپ حابارلايدى.
زاڭنىڭ ءماتىنى باسپا سوزدە جاريالانادى. اتالعان قۇجات 2019-جىلعى 18- قازاندا قازاقستان رەسپۋبليكاسىنىڭ حالىقارالىق شارتتار ماسەلەلەرى جونىندەگى ۆەدومستۆوارالىق كوميسسيانىڭ وتىرىسىندا قولداۋ تاپتى.
«تولىق ەمەس جۇمىس ۋاقىتى جاعدايىنداعى جۇمىس تۋرالى كونۆەنسيا 1994-جىلعى 24- ماۋسىمدا حالىقارالىق ەڭبەك ۇيىمىنىڭ باس كونفەرەنسياسىندا قابىلداندى. كونۆەنسيا تولىق ەمەس جۇمىس ۋاقىتىندا جۇمىس ىستەيتىن جۇمىسكەرلەردىڭ قۇقىقتارى مەن مۇددەلەرىن، ياعني ۇجىمدىق كەلىسسوزدەر جۇرگىزۋ قۇقىعى، ەڭبەك قاۋىپسىزدىگى جانە ەڭبەكتى قورعاۋ، انانىڭ قۇقىعىن قورعاۋ، جىل سايىنعى اقىلى دەمالىس بەرۋ، ەڭبەك جانە جۇمىسپەن قامتۋ سالاسىندا كەمسىتۋشىلىككە جول بەرمەۋ ماسەلەلەرىن تولىق جۇمىس ۋاقىتىندا جۇمىس ىستەيتىن جۇمىسكەرلەردىڭ قۇقىقتارى سياقتى قورعاۋدى كوزدەيدى. وسى كونۆەنسيا قىزمەتكەرلەر مەن كاسىپورىنداردىڭ جەكەلەگەن ساناتتارىن قوسپاعاندا، ەكونوميكالىق قىزمەتتىڭ بارلىق سالالارىنا قولدانىلادى (كونۆەنتسيانىڭ 3-بابى).
ۇلتتىق ستاتيستيكا بيۋروسىنىڭ مالىمەتتەرىنە قاراعاندا، 2021-جىلدىڭ 4-توقسانىنىڭ قورىتىندىسى بويىنشا ءارتۇرلى سالالارداعى 470 مىڭعا جۋىق قىزمەتكەر تولىق ەمەس جۇمىس ۋاقىتى رەجيمىندە جۇمىس ىستەدى. ولاردىڭ جارتىسىنا جۋىعى اپتاسىنا 20 ساعاتتان از ۋاقىت جۇمىس ىستەدى.
ولاردىڭ كوپشىلىگى اۋىل شارۋاشىلىعى، ءبىلىم جانە ونەركاسىپ سالالارىندا ەڭبەك ەتتى.
كونۆەنتسياعا سايكەس «تولىق ەمەس جۇمىس ۋاقىتىندا جۇمىس ىستەيتىن» دەگەن تەرمين تولىق جۇمىس ۋاقىتىندا جۇمىس ىستەيتىن جانە سالىستىرمالى جاعدايدا بولاتىن قىزمەتكەردىڭ جۇمىس ۋاقىتىنىڭ قالىپتى ۇزاقتىعىنان از جۇمىس ىستەيتىن جۇمىسكەردى بىلدىرەدى.
كونۆەنسيا اياسىندا تولىق ەمەس جۇمىس ۋاقىتىندا جۇمىس ىستەيتىن قىزمەتكەرلەردىڭ نەگىزگى جالاقىسى سول ادىستەرمەن ەسەپتەلەتىن تولىق جۇمىس ۋاقىتىندا جۇمىس ىستەيتىن جانە سالىستىرمالى جاعدايداعى قىزمەتكەرلەردىڭ نەگىزگى جالاقىسىنان كەم بولماۋى ءتيىس دەپ كوزدەلگەن.
ءوز كەزەگىندە كونۆەنسياعا ۇقساس ۇلتتىق ەڭبەك زاڭناماسىندا قىزمەتكەرلەرگە ەڭبەكاقى تولەۋ سالاسىنداعى مەملەكەتتىك كەپىلدىكتەر قاراستىرىلعان. سونداي-اق قۇجاتتا تولىق ەمەس جۇمىس ۋاقىتىندا جۇمىس ىستەيتىن قىزمەتكەرلەرگە ارنالعان الەۋمەتتىك قامسىزداندىرۋ جۇيەلەرى تولىق جۇمىس ۋاقىتىندا جۇمىس ىستەيتىن قىزمەتكەرلەرگە ۇقساس بولۋى كەرەك.
بۇل شارتتار جۇمىس ۋاقىتىنىڭ ۇزاقتىعىنا، جارنالارعا نەمەسە كىرىستەرگە پروپورتسيونالدى تۇردە انىقتالۋى مۇمكىن.
وسىعان ۇقساس ۇلتتىق ەڭبەك جانە الەۋمەتتىك زاڭناما تولىق جۇمىس ۋاقىتىندا جۇمىس ىستەيتىن قىزمەتكەرلەرمەن سالىستىرعاندا تولىق ەمەس جۇمىس ۋاقىتىندا جۇمىس ىستەيتىن قىزمەتكەرلەردىڭ قۇقىقتارىن شەكتەمەيتىنىن اتاپ وتكەن ءجون.
كونۆەنسيانى راتيفيكاتسيالاۋ مەملەكەتتىك بيۋجەتتەن تەرىس الەۋمەتتىك-ەكونوميكالىق سالدارلار مەن قارجىلىق شىعىندارعا الىپ كەلمەيدى. كونۆەنسيانى قابىلداۋ تولىق ەمەس جۇمىس ۋاقىتىندا جۇمىس ىستەيتىن قىزمەتكەرلەردى كەمسىتۋ بولىگىندە ەڭبەك داۋلارىنا اكەلمەيدى.
كونۆەنسيانى قابىلداۋ جۇمىس ىستەيتىن ازاماتتاردىڭ ەڭبەك قۇقىقتارىن قورعاۋدى قامتاماسىز ەتەدى جانە قازاقستاننىڭ وسى سالاداعى حالىقارالىق نورمالاردى ساقتاۋ مەن ورىنداۋعا بەيىلدىلىگىن راستايدى.