ەل قورجىنىنا تاعى ءبىر قازاق بالۋانى التىن سىيلادى

نۇر-سۇلتان. قازاقپارات - موڭعوليا استاناسى ۇلان-باتوردا ءوتىپ جاتقان ازيا چەمپيوناتىندا قازاقستاندىق مەيىرجان شەرماحامبەت چەمپيون اتاندى، دەپ حابارلايدى قازاقپارات ءتىلشىسى.
None
None

قازاقستاندىق بالۋان 67 كەلىدە وڭتۇستىك كورەيالىق حان سيۋ ريۋدىڭ وسال تۇسىن تاپتى.

ول قارسىلاسىن 4:0 ەسەبىمەن تىزە بۇكتىردى.

كورەيلىك بالۋان بۇعان دەيىن ەكى دۇركىن الەم چەمپيونى اتاعىن جەڭىپ العان ەدى. بۇل قازاقستاندىق بالۋانداردىڭ قۇرلىقتىق دودادا العان ەكىنشى التىن مەدالى. بۇدان بۇرىن 19- ساۋىردە ءالىمحان سىزدىقوۆ گرەك-ريم كۇرەسىنەن ازيا بىرىنشىلىگىندە التىن مەدال الدى.

ەندى ەل قۇراماسىنان بۇگىن ابىلايحان امزەيەۆ (72 كەلى) جانە دياس قالەن (82 كەلى) فينالدا بەلدەسەدى.

سونداي-اق، بۇگىن جۇبانىش بەلدەسۋىندە ەل قۇراماسىنان سانجار سەرىكحان جاپونيالىق تاكاحيرو سۋرۋدامەن شەبەرلىك بايقاسادى.

ەسكە سالساق، 19- ساۋىردە گرەك-ريم كۇرەسىنەن قازاقستاندىق بالۋاندار ءبىر التىن، ءۇش كۇمىس، ءبىر قولا الدى.

سوڭعى جاڭالىقتار