«ساقالدى» قۇرىلىستاردىڭ تاعدىرى ءۇش جىلدا شەشىلمەك

2022-2024 -جىلدارعا ارنالعان بيۋدجەتتى تالقىلاۋ كەزىندە دەپۋتاتتار ساقالدى قۇرىلىستاردىڭ تاعدىرىنا قاتىستى ساۋال جولدادى. ماسەلەن، جەزقازعان مەن ساتپايەۆ شاھارلارىن اۋىز سۋمەن قامتۋ ءۇشىن قولعا الىنعان «ەسقۇلا» سۋ قۇبىرىنىڭ قۇرىلىسى ساعىزشا سوزىلىپ كەتكەن. قارجى ءمينيسترى مۇنداي جوبالاردىڭ قۇنى جىل ساناپ ارتاتىنىن ايتىپ، ولاردى تەزدەتىپ اياقتاۋ كەرەگىنە كەلىستى.
ەرجان قۇدايبەرگەنوۆ، ق ر پارلامەنتى ءماجىلىسىنىڭ دەپۋتاتى:
- تۇركىستان وبلىسىندا 147 -جىلدان كەيىن كەنتاۋ قالاسىن گازعا قوسىپ جاتىر ەكەن، سوعان توي وتكىزگەندەي قۋانىپ جاتىر. ول ۇيالاتىن نارسە سياقتى. ساقالدى قۇرىلىستار تەڭگەمىزدىڭ قۇلدىراۋىنا سەبەپكەر بولادى.
وسى سۇراقتارعا پرەمەر- ءمينيستردىڭ ورىنباسارى قالاي قارايدى ەكەن؟
ەرۇلان جاماۋبايەۆ، ق ر قارجى ءمينيسترى:
- ەسقۇلا سۋ قۇبىرىن 10 جىل سالسا، ونىڭ الدىنداعى ەكى جىلدا سمەتالىق قۇجاتتارى دايىندالعان. سوندا 12 جىل سالىنعان بولىپ تۇر. ياعني جىلدان جىلعا ونداي وبەكتىلەر قالا بەرەتىن بولسا، وندا ولاردىڭ قۇنى دا وسە بەرەدى.
ەسقۇلا 80 پايىزعا وسكەن ەكەن. ونداي جوبالار وتە كوپ. سوندىقتان ءبىز كەلەسى 3 جىلدىق بيۋجەتكە تەك قانا وسىنداي جوبالارعا كوڭىل بولەمىز. جاڭا جوبالاردى اشپاي تۇرىپ، وسىلاردى جابۋعا ماقسات قويىپ وتىرمىز.
www.24.kz