قازاقستان مۇناي وندىرۋدەگى باستاپقى جوسپارىن ورىنداۋى مۇمكىن - مينيستر

نۇر- سۇلتان. قازاقپارات - كاسپي قۇبىر كونسورتسيۋمى جوندەلسە، قازاقستان مۇناي وندىرۋدەگى باستاپقى جوسپارىنا ورالۋى مۇمكىن.
None
None

مۇنى ق ر ەنەرگەتيكا ءمينيسترى بولات اقشولاقوۆ مالىمدەدى، دەپ حابارلايدى قازاقپارات ءتىلشىسى.

«راسىندا دا كاسپيي قۇبىر كونسورتسيۋمىنىڭ جۇمىسى ۇزاققا تۇرالاپ قالادى دەگەن سىن- قاتەرلەر بولدى. سوندىقتان قازاقستاننىڭ مۇناي ءوندىرۋ جوسپارى 87,5 ميلليون توننادان 86 ميلليون تونناعا دەيىن قايتا قارالعان ەدى. بۇل جوسپاردى ءبىز ورىندايمىز. ياعني، بارلىق مارشرۋتتارىمىزدى ىسكە قوسىپ، كاسپي قۇبىر كونسورتسيۋمىنىڭ جۇمىسى ەرتەرەك قالپىنا كەلسە، باستاپقىدا جوسپارلاعان 87,5 ميلليون تونناعا دا قول جەتكىزۋىمىز مۇمكىن. ازىرگە وسىنداي بولجامىمىز بار»، - دەدى بولات اقشولاقوۆ ءماجىلىستىڭ جالپى وتىرىسىندا.

سونىمەن بىرگە، مينيستر ەكسپورتتىڭ بالامالى مارشرۋتتارى رەتىندە اتىراۋ- سامارا مۇناي قۇبىرى مەن اقتاۋ پورتىن اتادى.

ەسكە سالساق، قارا تەڭىزدەگى داۋىلدىڭ سالدارىنان كاسپيي قۇبىر كونسورتسيۋمىنىڭ قۇبىر جۇيەسىنە زاقىم كەلدى. ق ر پرەمەر- ءمينيسترىنىڭ ورىنباسارى - قارجى ءمينيسترى ەرۇلان جاماۋبايەۆتىڭ ايتۋىنشا، اپاتتان كەلگەن شىعىن 100-150 ميلليارد تەڭگە كولەمىندە باعالانىپ وتىر.

اۆتور: ايجان سەرىكجان قىزى

سوڭعى جاڭالىقتار