ۇكىمەت باسشىسى حالىقتى قىسقامەرزىمدى وقىتۋمەن قامتۋدى تاپسىردى

نۇر-سۇلتان. قازاقپارات – ق ر پرەمەر-ءمينيسترى ءاليحان سمايىلوۆ حالىقتى قىسقامەرزىمدى وقىتۋمەن قامتۋ جانە كاسىپتىك ءبىلىمى بار كادرلاردى دايارلاۋدى ۇلعايتۋدى تاپسىردى، دەپ حابارلايدى قازاقپارات.
None
None

«مەملەكەت، كاسىپورىندار مەن وقۋ ورىندارىنىڭ اراسىنداعى جاۋاپكەرشىلىك انىق بولىنگەندە عانا كادر دايارلاۋدىڭ ساپاسى قامتاماسىز ەتىلەدى. مۇنى الەمدىك تاجىريبە دە انىق كورسەتىپ وتىر. سوندىقتان، اكىمدىكتەر كوللەدجدەر مەن كاسىپورىنداردىڭ ءوزارا ءتيىمدى ارىپتەستىك ورناتۋى ءۇشىن شارالار قابىلداۋى قاجەت. ياعني، كوللەدجدەردى قامقورلىققا الۋ، ءدۋالدى وقىتۋ جۇيەسىن دامىتۋعا جاعداي جاسالۋى ءتيىس. مامانداردى الدىن الا دايارلاۋ ءۇشىن «جاڭا كاسىپتەر اتلاسىن» دا پايدالانعان ءجون»، - دەدى ءا. سمايىلوۆ ۇكىمەت وتىرىسىندا.

ەڭ باستىسى - كوللەدجدەر مەن ۋنيۆەرسيتەتتەردىڭ تۇلەكتەرى ەڭبەك نارىعىندا سۇرانىسقا يە بولۋى كەرەك.

«كادر دايارلاۋدا ماماندارعا دەگەن قازىرگى سۇرانىسپەن قاتار، ەڭبەك نارىعىنىڭ بولجامدى دەرەكتەرى دە نەگىزگە الىنۋعا ءتيىس. بۇل مىندەتتەردىڭ بارلىعى 2025-جىلعا دەيىنگى ءبىلىم بەرۋدى دامىتۋ تۇجىرىمداماسىندا ەسكەرىلۋى كەرەك. سونىمەن قاتار، ەڭبەك مينيسترلىگى مۇددەلى مەملەكەتتىك ورگاندارمەن، اكىمدىكتەرمەن جانە «اتامەكەن» پالاتاسىمەن بىرلەسىپ، قىسقامەرزىمدى وقىتۋدى ۇلعايتۋ ماسەلەسىن پىسىقتاپ، ونىڭ تيىمدىلىگىنە مونيتورينگ جۇرگىزۋدى قامتاماسىز ەتسىن»، - دەدى ءاليحان سمايىلوۆ.

ودان بولەك، ءوڭىر اكىمدىكتەرىنە تەحنيكالىق جانە كاسىپتىك ءبىلىمى بار كادرلاردى دايارلاۋعا جەرگىلىكتى بيۋجەتتەن بولىنەتىن مەملەكەتتىك ءبىلىم بەرۋ تاپسىرىسىن ۇلعايتۋ، «جاس مامان» جوباسىنىڭ نەگىزىندە كوللەدجدەردى جاراقتاندىرۋعا قاراجات ءبولۋ، كاسىپورىندارمەن بىرگە مامانداردى نىسانالى تۇردە دايارلاۋدى جولعا قويۋ تاپسىرمالارى بەرىلدى.

بۇعان دەيىن ق ر ءبىلىم جانە عىلىم ءمينيسترى اسحات ايماعامبەتوۆ قازاقستاندا 406 كاسىپورىن 406 كوللەدجدى ءوز قامقورلىعىنا العانىن ايتقان ەدى. قازاقستاندا ەكونوميكاعا قاجەتتى ماماندىقتاردىڭ وڭىرلىك كارتالارى جاسالادى جانە 2 ميلليوننان استام جاڭا جۇمىس ورنى قۇرىلادى. سونىمەن بىرگە، ەلىمىزدە 2 جىلدا مامان ازىرلەيتىن «قولدانبالى باكالاۆريات» پيلوتتىق جوباسى باستالادى.

سوڭعى جاڭالىقتار