اۋىر اتلەتيكادان قازاقستان چەمپيوناتىنىڭ العاشقى جەڭىمپازدارى انىقتالدى

قىزىلوردا. قازاقپارات - قىزىلوردا وبلىسىندا ءوتىپ جاتقان اۋىر اتلەتيكادان ەل بىرىنشىلىگىندە العاشقى جارىس كۇنىنىڭ جەڭىمپازدار انىقتالدى، دەپ حابارلايدى قازاقپارات ءتىلشىسى.
None
None

ايتا كەتسەك، ەل بىرىنشىلىگى ەرلەر مەن ايەلدەر اراسىندا وتكىزىلۋدە. جارىس جەكەلەگەن جاتتىعۋلار بويىنشا بولادى. التى كۇن بويى سپورتشىلار 20 سالماق بويىنشا جەڭىمپازداردى انىقتايدى.

اتالعان جارىستا ەرلەر 55، 61، 67، 73، 81، 89، 96 كەلى سالماقتا جۇلدەلەردى ساراپقا سالادى.

ال ايەلدەر 45، 49، 55، 59، 67، 71، 76، 81، 87، 87 كەلىدەن جوعارى سالماقتا باق سىنايدى.

العاشقى جارىس كۇنىندە ايەلدەر اراسىندا 45 كەلىدە الەكساندرا بەلەنكو چەمپيون اتاندى. ودان كەيىنگى ورىنداردى جامبىلدىق اينۇر ءابدىحالىقوۆا مەن الماتى وبلىسىنان كەلگەن الفيا گاريفۋللينا ءوزارا ءبولىستى.

ال ايەلدەر اراسىندا 49 كەلىدە قارعاندىلىق داريا بالابانيۋك، اقمولالىق ايىم مۇحامەتجانوۆا، قىزىلوردالىق سالتانات قىپشاقباي ءوزارا ءبولىستى. ەرلەر اراسىندا 55 كەلىدە شىمكەنتتىك ارلي چونتەي جەڭىس تۇعىرىنا كوتەرىلدى.

ودان كەيىنگى ورىندار الماتى وبلىسىنان اناتوليي گرۋبوۆ مەن شىعىس قازاقستان وبىلسىنىڭ سپورتشىسى ەرناز الپىسوۆقا بۇيىردى.

ەسكە سالساق، ەل بىرىنشىلىگىنە نۇر-سۇلتان، الماتى، شىمكەنت قالالارى مەن وبلىس ورتالىقتارىنان 220 عا جۋىق سپورتشى جۇلدەلەردى ساراپقا سالۋدا.

جارىس 24- ساۋىرگە دەيىن جالعاسپاق.

سوڭعى جاڭالىقتار