ءبىر ميلليارد دوللاردى ەلگە قايتارۋ بويىنشا جۇمىس ءجۇرىپ جاتىر - قارجى ءمينيسترى

نۇر-سۇلتان. قازاقپارات - ق ر پرەمەر- ءمينيسترىنىڭ ورىنباسارى - قارجى ءمينيسترى ەرۇلان جاماۋبايەۆ سىرتقا زاڭسىز شىعارىلدى دەلىنگەن 1 ميلليارد دوللار كولەمىندەگى قاراجاتتى قايتارۋ بويىنشا جۇمىس ءجۇرىپ جاتقانىن ايتتى، دەپ حابارلايدى قازاقپارات ءتىلشىسى.
None
None

«قارجى مينيسترلىگى تاراپىنان ۇلتتىق بانكپەن ايتىلعان ستاتيستيكالىق اقپاراتتىڭ ءبارىن زەرتتەپ، ساراپتاعانبىز. سونىڭ ناتيجەسىندە قارجىلىق مونيتورينگ اگەنتتىگىنە 8 ءىس بويىنشا شامامەن 1 ميلليارد ا ق ش دوللارىنا جۋىق زاڭبۇزۋشىلىق دەپ تاپقان، تاۋەكەلى بار ىستەردى بەرگەن بولاتىنبىز. ولار قازىر تەرگەۋ جۇمىستارىن جۇرگىزىپ جاتىر. باس پروكۋراتۋرانىڭ تاراپىنان 20-دان استام قۇقىقبۇزۋشىلىققا بايلانىستى ءىس قوزعالعان بولاتىن. سول قوزعالعان ىستەر بويىنشا شامامەن 1 ميلليارد اقش دوللارىنا بولجانىپ وتىر. ءبىراق ناقتىلاي اقپاراتتى، قاي كەزدەگى نەمەسە نەمەسە قانداي سۋبەكتىلەر بويىنشا ەكەنىن قۇقىق قورعاۋ ورگاندارىنان الۋ كەرەك»، - دەدى مينيستر.

ەسكە سالساق، ق ر ۇلتتىق ەكونوميكا ءمينيسترى الىبەك قۋانتىروۆ قازاقستان اۋماعىنان زاڭسىز شىعارىلعان كاپيتال 100 ميلليارد دوللاردان اسۋى مۇمكىن ەكەنىن ايتقان بولاتىن.

اۆتور: ەسىمجان ناقتىباي

سوڭعى جاڭالىقتار