قازاقستاندا تۇراقتى دامۋ ماقساتتارىن جۇزەگە اسىرۋدىڭ ەكىنشى كەزەڭى باستالادى
بۇل تۋرالى «ەكونوميكالىق زەرتتەۋلەر ينستيتۋتى» ا ق باسقارما ءتوراعاسىنىڭ ورىنباسارى ءاليحان اباقانوۆ ءمالىم ەتتى، دەپ حابارلايدى قازاقپارات ءتىلشىسى.
«قازاقستان تاۋەلسىزدىك العان كۇننەن باستاپ ب ۇ ۇ ۇسىنعان جاھاندىق تۇراقتى دامۋ قاعيداتتارىن ۇستانىپ كەلەدى. ادامزاتتىڭ تۇراقتى دامۋ قاعيداتى 2030 -جىلعا دەيىن ارنالعان جانە ءبىزدىڭ ەل سول قاعيداتتاردى كەزەڭ- كەزەڭىمەن جۇزەگە اسىرىپ كەلەدى. وسى ماقساتتا ۇكىمەت باسشىسى ورىنباسارىنىڭ توراعالىعىمەن ۇيلەستىرۋ كەڭەسى جۇمىس ىستەيدى. كەڭەس وتىرىسىنا بارلىق مۇددەلى تاراپتار قاتىسىپ، وزەكتى ماسەلەلەر قارالادى. ۇيلەستىرۋ كەڭەسىنىڭ 5 جۇمىس باعىتى بار. ول - ادامدار، جەر، وركەندەۋ، سەرىكتەستىك جانە بەيبىتشىلىك»، - دەدى ءاليحان اباقانوۆ ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.
سونداي-اق، ينستيتۋت وكىلىنىڭ ايتۋىنشا، وتكەن جىلدان باستاپ ەلىمىزدىڭ تۇراقتى دامۋىنا قاتىستى مونيتورينگ جۇرگىزەتىن ۇلتتىق ەكونوميكا مينيسترلىگى جانىندا كەڭەس جۇمىس ىستەيدى.
«بىلتىر تۇراقتى دامۋعا قاتىستى ۇلتتىق ينديكاتورلار بەكىتىلدى. قازاقستان العاش 2019 -جىلى ب ۇ ۇ- نىڭ تۇراقتى دامۋ ماقساتتارىن جۇزەگە اسىرۋ بويىنشا ەرىكتى ۇلتتىق شولۋىن ۇسىندى. بيىل ەلىمىزدە تۇراقتى دامۋ ماقساتتارىن جۇزەگە اسىرۋ بويىنشا ەرىكتى ۇلتتىق شولۋدىڭ ەكىنشى كەزەڭى باستالادى. بۇل باعىتتا ءبىز ۇلتتىق ەكونوميكا مينيسترلىگىمەن بىرلەسىپ ەكىنشى ۇلتتىق شولۋدىڭ جوباسىن ازىرلەدىك»، - دەيدى ول.
ەسكە سالا كەتەيىك، 2015 -جىلى قىركۇيەكتە ب ۇ ۇ- عا مۇشە مەملەكەتتەر 2030 -جىلعا دەيىنگى تۇراقتى دامۋ سالاسىنداعى كۇن ءتارتىبىن قابىلدادى. وندا ءبىرقاتار ماقساتتار قامتىلعان، بۇل رەتتە كەدەيشىلىكتى جويۋ، تابيعي رەسۋرستاردى ساقتاۋ، ادامداردىڭ ءال-اۋقاتىن قامتاماسىز ەتۋ سەكىلدى باعىتتار ەسكەرىلگەن. ءاربىر 17 ماقسات ءبىرقاتار كورسەتكىشتەردى قامتيدى جانە ولارعا 15 -جىلدىڭ ىشىندە قول جەتكىزۋ كەرەك.
