وزبەكستاندا قازاقستاندىق تۋريستەر قانشا قاراجات جۇمسايتىنى بەلگىلى بولدى

نۇر-سۇلتان. قازاقپارات - وزبەكستاننىڭ تۋريزم جانە مادەني مۇرا مينيسترلىگىنىڭ وكىلدەرى شەتەلدەن كەلگەن تۋريستەردىڭ قانشا قاراجات جۇمسايتىنىن ەسەپتەدى.

سونىڭ ىشىندە قازاقستاندىقتاردىڭ دا شىعىندارى ەسەپتەلگەن، - دەپ حابارلايدى Podrobno.uz.

وسىلايشا، قازاقستاننان بارعان تۋريستەر ساپار كەزىندە شامامەن 158,3 دوللار (72345 تەڭگە) جۇمسايدى ەكەن، ال تۇركىمەنستان - 104,6 دوللار (47800 تەڭگە)، قىرعىزستان - 99,3 دوللار (45380 تەڭگە)، تاجىكستان - 60,4 دوللار (27600 تەڭگە) كورسەتكىشى وسىنداي. بۇل نەگىزىنەن وسى ەلدەردەن كەلەتىن تۋريستەردىڭ وزبەكستاندا از ۋاقىت بولۋىمەن تىكەلەي بايلانىستى بولسا كەرەك.

رەسەي، ۋكراينا، بەلارۋس جانە ارمەنيادان كەلەتىن تۋريستەر ساپار بارىسىندا شامامەن 635 دوللار (290195 تەڭگە) جۇمسايدى ەكەن.

وزبەكستان تۋريزم مينيسترلىگىنىڭ ەسەبى بويىنشا، الىس شەتەلدەن كەلگەندەر ساياحات بارىسىندا كوبىرەك جۇمسايدى - ورتاشا ەسەپپەن 709,4 دوللار (324195 تەڭگە).

ايتا كەتەيىك، وسىعان دەيىن 2022 -جىلى ناۋرىزدا وزبەكستانعا ساپارلاعان ساياحاتشىلار اراسىندا قازاقستاندىقتار ۇزدىك ۇشتىككە ەندى. ولاردىڭ ۇلەسى - 18,9 پايىز.