قىتايدا كوكونىس تۇقىمدارىنا سۇرانىس كۇرت ارتتى

بەيجىڭ. قازاقپارات - قىتايدا كوكونىس تۇقىمدارىنا سۇرانىستىڭ كۇرت ءوسۋى 2022 -جىلدىڭ ءبىرىنشى توقسانىندا بايقالدى.
None
None

بۇعان قىتايلىق ەلەكتروندىق كوممەرتسيا پلاتفورمالارىنداعى ساتۋ دەرەكتەرى دالەل، دەپ حابارلايدى قازاقپارات ءتىلشىسى.

مالىمەتتەرگە سايكەس، اعىمداعى جىلدىڭ ءبىرىنشى توقسانىندا بەيجىڭ، شاڭحاي جانە حاڭجوۋ سياقتى قالالاردا ساتىلىم ءوسىمى بايقالعان. ەڭ كوپ ساتىلاتىن 10 كوكونىس پەن ءشوپ تۇقىمى كورياندر، پياز، قاربىز، سالات، جاسىل پياز، قىزاناق جانە شالعام تۇقىمدارى بولدى. قىتايدىڭ ەلەكتروندىق كوممەرتسيا پلاتفورمالارىندا تۇقىمداردان باسقا، وتىرعىزۋ جابدىقتارى (كۇرەكتەر، ۇساقتاعىشتار، كاسترولدەر جانە قورەكتىك توپىراق) جوعارى سۇرانىسقا يە.

كوروناۆيرۋستىڭ ءورشۋى جاعدايىندا بالكونداردا كوكونىس داقىلدارىن ءوسىرۋ ماتەريكتەگى قىتايدا، اسىرەسە ءىرى مەگاپوليستەردە ءساندى قۇبىلىسقا اينالعان. قىتاي حالىق رەسپۋبليكاسىنىڭ دەنساۋلىق ساقتاۋ ىستەرى جونىندەگى مەملەكەتتىك كوميتەتىنىڭ مالىمەتى بويىنشا، وتكەن تاۋلىكتە ءبىر عانا شاڭحايدا 24,8 مىڭ ادام كوروناۆيرۋس جۇقتىرعان.

اۆتور: سماعۇلوۆا ەركەجان


سوڭعى جاڭالىقتار