18:08, 15 - ءساۋىر 2022 | GMT +5
قازمۇنايگاز اتىن جامىلعان الاياقتار كۇماندى ىسكە اقشا سالۋعا شاقىرىپ ءجۇر
نۇر- سۇلتان. قازاقپارات - «قازمۇنايگاز» اتىن جامىلعان الاياقتار ازاماتتاردىڭ قارجىسىن تارتۋعا تالپىنىپ جاتىر، دەپ حابارلايدى قازاقپارات.

كومپانيا باسپا ءسوز قىزمەتى تاراتقان مالىمەتكە قاراعاندا الاياقتار قازاقستان ازاماتتارىن «قازمۇنايگاز» ۇلتتىق كومپانياسىنا قارجى سالۋعا شاقىرىپ، ارنايى سايت اشقان. ولار وسى جايىندا ۆيدەو تاراتىپ، حالىقتى مۇناي مەن گاز ساتىپ، مول پايداعا كەنەلۋگە شاقىرادى.
«قازمۇنايگاز» ۇلتتىق كومپانياسى قازاقستان ازاماتتارىنىڭ قارجىسىن ەشقانداي ينۆەستيتسيالىق جوبالارعا تارتۋعا شاقىرمايتىنىن مالىمدەيدى. تاراعان جالعان جارنامالىق حابارلاندىرۋعا سەنبەڭىزدەر. ساق بولىڭىزدار. قانداي دا ءبىر ارەكەت جاسار الدىندا اقپاراتتىڭ راس- وتىرىگىن انىقتاپ الىڭىز» دەپ ەسكەرتەدى ۇلتتىق كومپانيا.
ەسكە سالا كەتەيىك، «قازمۇنايگاز» ۇلتتىق كومپانياسى ءوز قىزمەتى تۋرالى بۇكىل اقپاراتتى www.kmg.kz سايتىندا، سونداي- اق الەۋمەتتىك جەلىدەگى رەسمي پاراقشالارىندا عانا جاريالايدى.