قايىرىمدىلىق ماقساتتا جاسالعان ءموبيلدى اۋدارىمدار كاسىپكەرلىك تابىسقا جاتپايدى

«نەگىزى قايىرىمدىلىق ماقساتتاعى اۋدارىمدار ارنايى شوتتار ارقىلى ءوتۋى كەرەك. ەگەر قايىرىمدىلىق قور اقشا جيناپ جاتقان بولسا زاڭدى تۇلعانىڭ اتىنا شوت اشۋ كەرەك. اقشا سوندا ءتۇسۋى كەرەك»،- دەدى مەملەكەتتىك كىرىستەر كوميتەتىنىڭ باسقارما باسشىسى.
ونىڭ ايتۋىنشا، قيىندىققا تاپ بولعان اتا- انا بالاسىنىڭ ەمىنە اقشا جيناسا نەمەسە تابيعي اپات سالدارىنان ءۇيسىز قالعان ادام جەكە تۇلعا رەتىندە اشقان بانك شوتىنا قايىرىمدىلىق اۋدارىمدار قابىلداعان بولسا، تەكسەۋرگە جاتاتىن ولشەمشارتقا ەنۋى مۇمكىن. ءبىراق تەكسەرۋ كەزىندە بانك وكىلدەرىنە نەمەسە كەيىن سالىق ورگاندارىنا ءمان- جايدى ءتۇسىندىرىپ، كاسىپكەرلىك قىزمەتتەن كىرىس تابۋ ەمەس ەكەنىن دالەلدەۋىنە مۇمكىندىك بار.
«ناۋقاسقا اقشا جيناعان بولسا، مەديتسينالىق قۇجاتتارى بولادى. ال ءۇيسىز قالعان بولسا، ول تۋرالى دا اكت جاساۋعا بولادى. اقشانىڭ ەمدەلۋگە نەمەسە باسىنا تۇسكەن قيىندىقتىڭ سالدارىن جويۋعا جۇمسالعانىن تۇبىرتەكتەر ارقىلى دالەلدەۋگە دە بولادى. سوندىقتان بۇل تۇرعىدا ماسەلە تۋىنداماۋى كەرەك»، - دەدى ۆلادلەن بالان.
كوميتەت وكىلى ءتۇرلى كۋرستار مەن ونلاين ساباقتار وتكىزىپ، اقىسىن ءموبيلدى اۋدارىمدار ارقىلى جينايتىن بلوگەرلەردىڭ قاشان باقىلاۋعا الىناتىنىن ايتتى.
«بلوگەر ءوز قىزمەتىن جايدان- جاي ىسكە اسىرىپ جۇرگەن جوق. ءىس جۇزىندە ولار كاسىپكەرلىك قىزمەتپەن اينالسىپ ءجۇر. سوندىقتان ولار داوزگەكاسىپكەرلەر سياقتى كاسىپكەر رەتىندە تىركەلۋى كەرەك. ەگەر كاسىپكەر رەتىندە تىركەلمەستەن ءموبيلدى اۋدارىم ارقىلى تولەم قابىلداپ كەلسە، قىزمەتىن زاڭدى جولمەن سكەاسىرۋعا كوشۋكەرەك. ياعني، كاسىپكەر رەتىندە تىركەلىپ، ءتيىستى سالىعىن تولەۋى قاجەت. قازىر بىزدە كاسىپكەرلىكپەن تىركەلمەي اينالىسقانى ءۇشىن اۋەلى ەسكەرتۋ جاسالادى. سوعان قاراماستان تىركەلمەگەن كۇيى كاسىپكەرلىكپەن جۇيەلى تۇردەاينالىسسا، سالىق تقلەپ، تىكەرۋلگە ىنتالاندىراتىن شارالاردى قابىلدايمىز»، - دەدى باسقارما باسشىسى.
ايتا كەتەيىك، كاسىپكەرلەر مەن زاڭدى تۇلعالاردىڭ باسشىلارىنا، قۇرىلتايشىلارىنا، ولاردىڭ جۇبايلارىنا تيەسىلى بانك شوتتارى موبيلدى اۋدارىمدار بويىنشا 2024 -جىلدان باستاپ باقىلاۋعا الىنادى .