ق ر پرەزيدەنتى قىتايمەن ستراتەگيالىق سەرىكتەستىكتى ودان ءارى نىعايتۋ ماسەلەسىن تالقىلادى
قازاقپارات بۇل تۋرالى اقورداعا سىلتەمە جاساپ حابارلايدى.
اڭگىمەلەسۋ بارىسىندا پرەزيدەنت قىتاي حالىق رەسپۋبليكاسىمەن اراداعى جان- جاقتى ستراتەگيالىق سەرىكتەستىكتى ودان ءارى نىعايتۋ ماسەلەسىنە نازار اۋداردى. جوعارى دەڭگەيدەگى كەلىسىمدەردى، سونىڭ ىشىندە مەملەكەت باسشىسىنىڭ بيىلعى اقپان ايىندا بەيجىڭگە جاساعان ساپارى بارىسىندا قول جەتكىزىلگەن ۋاعدالاستىقتاردى جۇزەگە اسىرۋ قاجەت ەكەنىنە باسا ءمان بەرىلدى.
قاسىم- جومارت توقايەۆ كولىك- ترانزيتتىك ىقپالداستىقتى، ەكونوميكانىڭ ماڭىزدى سەكتورلارىنداعى سەرپىندى ينۆەستيتسيالىق جوبالاردى دامىتۋدىڭ، سونداي- اق مادەني- گۋمانيتارلىق ىنتىماقتاستىق سالاسىنداعى بايلانىستاردى نىعايتۋ ماڭىزدى ەكەنىن اتاپ ءوتتى. حالىقارالىق جانە وڭىرلىك دەڭگەيدەگى، سونىڭ ىشىندە ش ى ۇ، ا و س ش ك الاڭدارىنداعى بايلانىستاردى نىعايتۋ ماسەلەلەرى دە جاڭادان تاعايىندالعان ەلشىنىڭ جۇمىسىنداعى ماڭىزدى باعىتتاردىڭ قاتارىنا قوسىلدى.
