قازاقستانداعى ەڭبەك نارىعىندا قانداي ماماندىقتارعا سۇرانىس جوعارى

ەلەكتروندىق ەڭبەك بيرجاسى (ە ە ب) مالىمەتتەرى بويىنشا ناۋرىز ايىندا جۇمىس كۇشىنە سۇرانىس پەن ۇسىنىستىڭ تەڭگەرىمسىزدىگى بولدى.
بۇل تۋرالى ق ر ەڭبەك جانە حالىقتى الەۋمەتتىك قورعاۋ مينيسترلىگىنەن ءمالىم بولدى، دەپ حابارلايدى قازاقپارات.
«ە ە ب مالىمەتتەرى بويىنشا ناۋرىز ايىندا جۇمىس كۇشىنە سۇرانىس پەن ۇسىنىستىڭ تەڭگەرىمسىزدىگى بايقالدى. ماسەلەن، ەگەر جالپى نارىقتا بىلىكتىلىگى ورتاشا ماماندارعا سۇرانىس باسىم بولسا (54 پايىز)، وندا وسى ساناتتاعى ۇسىنىس بار بولعانى 38 پايىزدى قۇرادى. بۇل رەتتە بىلىكتىلىگى تومەن ماماندار ءۇشىن كەرى جاعداي قالىپتاسىپ وتىر - سۇرانىس 21 پايىز بولعان كەزدە ۇسىنىس شامامەن 35 پايىز- دى قۇرادى. جوعارى بىلىكتى كادرلار ءۇشىن تۇيىندەمەلەر مەن بوس جۇمىس ورىندارىنىڭ سانى تەڭ ۇلەستى قۇرايدى: تيىسىنشە 26 پايىز جانە 25 پايىز»، - دەدى «ەڭبەك رەسۋرستارىن دامىتۋ ورتالىعى» ا ق باسقارۋشى ديرەكتورى الەكساندرا مولچانوۆسكايا. جەكەلەگەن ماماندىقتاردى قاراستىرا وتىرىپ، بيىلدىڭ ناۋرىز ايىنىڭ قورىتىندىسى بويىنشا ەەب- دا وتە تاپشى مەديتسينالىق مەدبيكەلەر مەن مەيىرگەرلەرگە، سانيتارلار، تاربيەشىلەر مەن ولاردىڭ كومەكشىلەرى بولدى - بۇل ماماندار ءۇشىن قامتىلماعان قاجەتتىلىك 4,6 مىڭدى قۇرادى. سونداي-اق جۇرگىزۋشىلەر (2 مىڭ بوس ورىن)، كۇزەتشىلەر (1,6 مىڭ بوس ورىن)، كونسۋلتانت- ساتۋشىلار (618 بوس ورىن) جانە ەلەكترومونتەرلار (674 بوس ورىن) سۇرانىسقا يە بولدى. بىلىكتىلىگى تومەن قىزمەتكەرلەرمەن قاتار، ارتىق ماماندىقتاردىڭ قاتارىنا زاڭگەرلەر، كۋرەرلەر، قارجىگەرلەر، دەنە شىنىقتىرۋ جانە اۆتومەحانيكا مۇعالىمدەرى جاتادى.
«وسىلايشا، ەەب مالىمەتتەرى بويىنشا ەلدە جالداۋ پروتسەستەرىنىڭ جاندانۋى بايقالادى. سونىمەن قاتار، جۇمىسشىلار، كەرىسىنشە، جاڭا جۇمىس ورنىن ىزدەگىلەرى كەلمەيدى، بۇل 2022 -جىلدىڭ باسىنان بەرى جالعاسىپ كەلە جاتقان تۇيىندەمەلەر سانىنىڭ ازايۋىمەن راستالادى»، - دەپ اتالىپ وتكەن ۆەدومستۆو حابارلاماسىندا.
بۇدان بۇرىن حابارلانعانداي، 2022 -جىلعى ناۋرىزدا ەلەكتروندىق ەڭبەك بيرجاسىندا 72,7 مىڭ بوس جۇمىس ورنى جانە 48,8 مىڭ تۇيىندەمە ورنالاستىرىلدى. وتكەن ايمەن سالىستىرعاندا جاريالانعان بوس ورىندار سانىنىڭ شامالى ءوسۋى (+0,5 پايىز) جانە ىزدەنۋشىلەر تاراپىنان بەلسەندىلىكتىڭ كۇرت تومەندەۋى (-11 پايىز) بايقالدى.
اۆتور: رۋسلان عابباسوۆ