كارىم ءماسىموۆتى قاماۋدا ۇستاۋ مەرزىمى ۇزارتىلدى

نۇر- سۇلتان. قازاقپارات - ۇلتتىق قاۋىپسىزدىك كوميتەتىنىڭ بۇرىنعى ءتوراعاسى كارىم ءماسىموۆتى قاماۋدا ۇستاۋ مەرزىمى 6-مامىرعا دەيىن ۇزارتىلدى.
None
None

بۇل تۋرالى ۇ ق ك ءمالىم ءمالىم ەتتى، دەپ حابارلايدى قازاقپارات ءتىلشىسى.

«ۇلتتىق قاۋىپسىزدىك كوميتەتى بۇرىنعى ءتوراعاسى ك. ءماسىموۆ پەن ۇ ق ك ءتوراعاسىنىڭ بۇرىنعى ورىنباسارى ءا. سادىقۇلوۆتى قاماۋدا ۇستاۋ مەرزىمى 2022 -جىلدىڭ 6-مامىرىنا دەيىن، سونداي- اق بۇرىنعى ورىنباسارى د. ەرعوجيندى قاماۋدا ۇستاۋ 8- مامىرعا دەيىن ۇزارتىلدى»، - دەلىنگەن حابارلامادا.

سونىمەن قاتار 22-اقپاندا لاۋازىمدىق وكىلەتتىگىن اسىرا پايدالانۋ كۇدىگى بويىنشا ۇ ق ك ءتوراعاسىنىڭ بۇرىنعى ورىنباسارى م. ءوسىپوۆ ۇستالعان بولاتىن. وسى ورايدا ونى قاماۋدا ۇستاۋ مەرزىمىن ءۇش ايعا دەيىن ۇزارتۋ تۋرالى ماتەريالدار پروكۋراتۋراعا جولدانعان. كۇدىكتىلەر تەرگەۋ يزولياتورىندا قاماۋدا وتىر. اتاپ ايتقاندا، ولاردىڭ ارەكەتىنىڭ جاعدايىن ەسكەرە وتىرىپ، قىلمىستىق ءىس «اسا قۇپيا» ءتارتىبى بويىنشا تەرگەلۋدە.

ەستەرىڭىزگە سالا كەتەيىك، ۇلتتىق قاۋىپسىزدىك كوميتەتىنىڭ بۇرىنعى ءتوراعاسى كارىم ماسىموۆكە قاتىستى وسى جىلدىڭ 6-قاڭتارىندا ۇ ق ك قازاقستان رەسپۋبليكاسى قىلمىستىق كودەكسىنىڭ 175-بابى 1-بولىگىمەن مەملەكەتكە ساتقىندىق فاكتىسى بويىنشا سوتقا دەيىنگى تەرگەۋ باستالدى. بيىل ناۋرىز ايىندا باس پروكۋرور بەرىك اسىلوۆ ۇلتتىق قاۋىپسىزدىك كوميتەتىنىڭ بۇرىنعى ءتوراعاسى مەن ونىڭ ءۇش ورىنباسارىنا، ەكى بولىمشە باستىعىنا قاتىستى بىرنەشە ءىس قوزعالىپ، تەرگەلىپ جاتقانىن ايتتى.


سوڭعى جاڭالىقتار