سەنات كيبەربۋللينگ تۋرالى زاڭ جوباسىن ماجىلىسكە قايتاردى

نۇر-سۇلتان. قازاقپارات - بۇگىن سەناتتىڭ جالپى وتىرىسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە بالانىڭ قۇقىقتارىن قورعاۋ، ءبىلىم بەرۋ، اقپارات جانە اقپاراتتاندىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى ەكى وقىلىمدا قارالدى.
None
None

قۇجاتقا تۇزەتۋلەر ەنگىزىلگەندىكتەن زاڭ جوباسى ماجىلىسكە قايتارىلدى، دەپ حابارلايدى قازاقپارات ءتىلشىسى.

«قارالىپ وتىرعان زاڭ جوباسى، ەنگىزىلگەن قۇقىقتىق ەرەجەلەر مەن نورمالاردىڭ نەگىزدەمەسى، بۇگىنگى كۇننىڭ قاجەتتىلىكتەرىنەن جانە ەلدىڭ كەلەشەكتەگى دامۋ مىندەتتەرىنەن تۋىنداپ وتىرعانى بەلگىلى. جالپى، زاڭ جوباسىن قابىلداۋدان كەلەسى ناتيجەلەر، اتاپ ايتقاندا، بالانىڭ قۇقىقتارىن قورعاۋ سالاسىنداعى ءتيىمدى قۇقىقتىق نەگىزدى قالىپتاستىرۋ جانە زاڭنامانى جەتىلدىرۋ، بالالاردى ولارعا قاتىستى كەز كەلگەن زورلىق- زومبىلىق كورىنىستەرىنەن، ونىڭ ىشىندە وتباسىلىق قاتىناستار، ءبىلىم بەرۋ جانە اقپاراتتىق كەڭىستىك سالالارىندا قورعاۋ تەتىكتەرىن ىسكە اسىرۋ، بالالارعا قاتىستى زورلىق- زومبىلىقتىڭ كەز كەلگەن نىساندارىن ەرتە انىقتاۋ ءارى ەرتە ارنايى پسيحولوگيالىق- پەداگوگيكالىق قولداۋ كورسەتۋ سالاسىنداعى ۆەدومستۆوارالىق ءوزارا ءىس- قيمىلدى كۇشەيتۋ، جوعارى وقۋ ورىندارىنىڭ ءبىلىم بەرۋ قىزمەتتەرىن ۇسىنۋ ساپاسىن ارتتىرۋ، سونداي- اق وليمپيادا جەڭىمپازدارى - دارىندى بالالار مەن ولاردىڭ پەداگوگتارىن قولداۋ كۇتىلىپ وتىر»، - دەدى سەناتور دينار نوكەتايەۆا.

بۇگىن زاڭ جوباسى ءبىرىنشى وقىلىمدا ماقۇلدانعاننان كەيىن كوميتەتتىڭ كەڭەيتىلگەن وتىرىسىندا سەناتتىڭ تۇراقتى كوميتەتتەرىنەن، سەنات اپپاراتىنان جانە قوعام تاراپىنان كەلىپ تۇسكەن ءبىرقاتار ەسكەرتۋلەر مەن ۇسىنىستار جان- جاقتى تالقىلاندى. وسى ورايدا زاڭ جوباسىنا وزگەرىستەر مەن تولىقتىرۋدى پارلامەنتىنىڭ ماجىلىسىنە جىبەرۋدى تۋرالى شەشىم قابىلداندى.

سەنات ءتوراعاسى ماۋلەن اشىمبايەۆ بۇل زاڭ جوباسى قوعامدا بەلسەندى تۇردە تالقىلانعانىن اتاپ ءوتتى. بالالاردى قورعاۋ تۋرالى نورمالاردى ىسكە اسىرۋ جونىندە ازاماتتىق بەلسەندىلەر ءتۇرلى ۇسىنىستار مەن پايىمداردى ايتقان بولاتىن. سوندىقتان سەناتورلار زاڭ جوباسىندا ۇسىنىلعان ەرەجەلەردى مۇقيات زەردەلەدى جانە كەلىپ تۇسكەن وتىنىشتەردى ەسكەرە وتىرىپ، ونىڭ ءبىرقاتار باپتارىن قايتا قاراۋدى ۇسىندى.

«سەناتورلار زاڭ جوباسىنان ۋاكىلەتتى ورگانعا ءوز قالاۋى بويىنشا ينتەرنەت- رەسۋرستاردىڭ، الەۋمەتتىك جەلىلەر مەن مەسسەندجەرلەردىڭ قولجەتىمدىلىگىن شەكتەۋگە نە جۇمىسىن توقتاتا تۇرۋعا مۇمكىندىك بەرەتىن وكىلەتتىكتەردى الىپ تاستادى. سوعان سايكەس ونلاين- پلاتفورمالاردىڭ وكىلدەرىمەن ءوزارا ءىس- قيمىل كەزىندە بالاعا قاتىستى كيبەربۋللينگ دەپ تانىلعان اقپاراتتى عانا جويۋعا ءمان بەرىلدى. مۇنداي ءتارتىپ بالالارعا قاتىستى كيبەربۋللينگ فاكتىلەرىنە جەدەل نازار اۋدارۋ مەن قوعامنىڭ اقپاراتقا دەگەن سۇرانىسى اراسىنداعى تەڭگەرىمدى ورتانى تابۋعا مۇمكىندىك بەرەدى دەپ سەنەمىز. بىزدىڭشە، مۇنداي قادام «جاڭا قازاقستان» تۇجىرىمداماسىنا جانە مەملەكەت باسشىسىنىڭ باستاماسىمەن ەلىمىزدە جۇرگىزىلىپ جاتقان ساياسي رەفورمالاردىڭ مازمۇنىنا ساي كەلەدى»، - دەدى ماۋلەن اشىمبايەۆ.

وسىلايشا، سەناتورلاردىڭ ۇسىنىسى بويىنشا اقپارات جانە قوعامدىق دامۋ مينيسترلىگى ءوز قالاۋى بويىنشا ينتەرنەت- رەسۋرستاردىڭ، الەۋمەتتىك جەلىلەر مەن مەسسەندجەرلەردىڭ جۇمىسىن شەكتەۋگە نەمەسە توقتاتۋعا مۇمكىندىگى بولمايدى. تەك بالاعا قاتىستى كيبەربۋللينگ دەپ تانىلعان اقپاراتتى عانا جويۋعا بولادى. بالالارعا قاتىستى كيبەربۋللينگ قانداي بولماق، وزگەسى قانداي بولادى، سەناتورلار ونى مەملەكەتتىك ورگانعا ەمەس، ارنايى قۇرىلعان ساراپشىلار توبىنا شەشۋدى ۇسىندى.

وسىلايشا، زاڭ جوباسىنىڭ وسى جانە باسقا دا ءبىرقاتار وزگەرىستەرى ءماجىلىس دەپۋتاتتارىنىڭ قاراۋىنا جىبەرىلدى. وسىعان دەيىن شەتەلدىك الەۋمەتتىك جەلىلەردىڭ رەسمي وكىلدىكتەرىن قازاقستاندا مىندەتتى تۇردە اشۋ تۋرالى نورما دا جويىلعان بولاتىن.

سوڭعى جاڭالىقتار