رەسەيگە سالىنعان سانكسياعا بايلانىستى قازاقستان ءىرى ساۋدا برەندتەرىمەن تىكەلەي بايلانىس ورناتىپ جاتىر

نۇر- سۇلتان. قازاقپارات - رەسەيگە سالىنعان سانكسيالارعا بايلانىستى ق ر ۇكىمەتى حالىقارالىق ساۋدا برەندتەرىنىڭ كەڭسەلەرىمەن ءوزارا ءىس- قيمىل جاساۋ بويىنشا جۇمىستى باستادى.

بۇل ق ر پرەمەر- ءمينيسترى ءاليحان سمايىلوۆ ءماجىلىس وكىلدەرىنىڭ دەپۋتاتتىق ساۋالىنا جولداعان جاۋابىندا ءمالىم ەتتى، دەپ حابارلايدى قازاقپارات ءتىلشىسى.

«بۇگىنگى تاڭدا 300-گە جۋىق حالىقارالىق كومپانيا ەكونوميكانىڭ بارلىق سالالارىندا وزدەرىنىڭ رەسەي نارىعىنان كەتەتىنىن نەمەسە ينۆەستيتسياسىن، تاۋارلاردى جەتكىزۋىن نەمەسە باسقا قىزمەتىن شەكتەيتىنىن مالىمدەدى. بۇل رەتتە تاۋارلاردىڭ كەڭ سپەكترى قازاقستانعا شەتەلدىك كومپانيالاردىڭ رەسەيدە ورنالاسقان ديستريبيۋتورلارى ارقىلى جەتكىزىلەدى. قازاقستان بيزنەس جۇرگىزۋدىڭ كوپتەگەن ماڭىزدى تۇستارى بويىنشا (تۇراقتى بانك جۇيەسى، بيزنەس پەن ينۆەستورلاردى مەملەكەتتىك قولداۋ شارالارى، قولايلى سالىق سالۋ جانە ت. ب.) شەتەلدىك كومپانيالارعا قىزىقتى بولۋى مۇمكىن. وسىعان بايلانىستى ۇكىمەت ولاردىڭ ورتالىق ازيا جانە ت م د وڭىرىندەگى جۇمىس ستراتەگياسىن ءتۇسىنۋ ءۇشىن وسى كومپانيالاردىڭ كەڭسەلەرىمەن ءوزارا ءىس- قيمىل جاساۋ بويىنشا جۇمىستى باستادى» دەپ جازىلعان ۇكىمەت باسشىسىنىڭ جاۋابىندا.

ونىڭ مالىمەتى بويىنشا، ءىرى حالىقارالىق كومپانيالاردىڭ كوشۋى ءۇشىن بۇكىل ۇيىمداستىرۋشىلىق جانە زاڭنامالىق ماسەلەلەردى ەگجەي- تەگجەيلى پىسىقتاۋ قاجەت.

«وسى باعىتتاعى جۇمىستار جالعاسادى»، - دەپ جازادى ۇكىمەت باسشىسى.

ايتا كەتەيىك، گرۋزيا، ازەربايجان، تۇركيا جانە قازاقستان اراسىنداعى Middle Corridor بىرلەسكەن كاسىپورنى ازىرلەنىپ جاتىر.

اۆتور: ەسىمجان ناقتىباي