قازاقستاندىق عالىمداردىڭ جەتىستىكتەرى شەتەلدە مويىندالۋدا - اسحات ايماعامبەتوۆ
«بۇگىن قازاقستاندا عىلىم قىزمەتكەرلەرى كۇنى. عالىمداردى كاسىبي مەرەكەمەن قۇتتىقتاپ، كۇندەلىكتى ەڭبەكتەرى مەن زەرتتەۋ سالالارىن كەڭەيتىپ جاتقاندارى ءۇشىن العىسىمدى بىلدىرگىم كەلەدى»، - دەگەن مينيستر قازاقستان عالىمدارىنىڭ زەرتتەۋلەرى، جاڭالىقتارى مەن جاڭا عىلىمي بىلىمدەرى ەلىمىزدىڭ دامۋىنا ەرەكشە ۇلەس قوسىپ جاتقانىن اتاپ ءوتتى.
«بۇگىنگى تاڭدا عالىمدارىمىزدىڭ عىلىمي جەتىستىكتەرى تەك قازاقستاندا عانا ەمەس، سونىمەن بىرگە شەتەلدە دە مويىندالىپ جاتىر. پرەزيدەنتتىڭ عىلىم سالاسىنا ەرەكشە كوڭىل ءبولىپ، قولداۋ كورسەتۋىنىڭ ارقاسىندا سوڭعى جىلدارى وتاندىق عىلىمدى دامىتۋداعى كوپتەگەن وزەكتى ماسەلە شەشىمىن تاۋىپ، عالىمدارىمىزعا قاجەتتى جاعداي جاساۋعا مۇمكىندىك تۋدى. مينيسترلىك عالىم ماماندىعىنىڭ بەدەلدى بولۋى، عىلىمي يدەيالاردىڭ تۇراقتىلىعى مەن ىسكە اسىرىلۋىنا كەپىلدىك بەرۋى ءۇشىن جۇيەلى جۇمىستى جالعاستىرادى»، - دەيدى اسحات ايماعامبەتوۆ.
