الەمدەگى كوپ ادام قابىلدايتىن اۋەجايلار اتالدى
2021 -جىلى الەمدەگى جولاۋشىلاردىڭ جالپى سانى 4,5 ميللياردقا جەتتى. بۇل 2020 -جىلمەن سالىستىرعاندا 25 پايىزعا كوپ، ءبىراق 2019 -جىلعى ناتيجەلەرمەن سالىستىرعاندا جارتىسىنان از.
رەيتينگتى حارتسفيلد- دجەكسون اتلانتا حالىقارالىق اۋەجايى باستادى. ونىڭ جولاۋشىلار اعىنى جىل ىشىندە 75,7 ميلليون ادامدى قۇرادى.
ەكىنشى ورىندا 62,5 ميلليون جولاۋشىعا قىزمەت كورسەتكەن داللاس فورت- ۋەرت حالىقارالىق اۋەجايى.
دەنۆەر حالىقارالىق اۋەجايى ءۇشىنشى ورىندا تۇر. جىلىنا 58,8 ميلليون جولاۋشى تاسىمالدادى.
وتكەن جىلى ءبىرىنشى ورىندا بولعان گۋاڭجوۋ- بايۋن حالىقارالىق اۋەجايى ەندى سەگىزىنشى ورىنعا ءتۇستى. ودان كەيىن چەندۋ-شۋانليۋ حالىقارالىق اۋەجايى ورنالاستى.
ۇيىمنىڭ ەسەبىنە سايكەس، جولاۋشىلار تاسىمالى بويىنشا ەڭ ءىرى ون اۋەجايدىڭ سەگىزى ا ق ش- تا، ەكەۋى قىتايدا ورنالاسقان.
حالىقارالىق جولاۋشىلار سانى بويىنشا الەمدەگى كوپ جۇمىس ىستەيتىن اۋەجايلار دا اتالدى. ACI رەيتينگىندە ءبىرىنشى ورىندى ءۇشىنشى جىل قاتارىنان دۋباي اۋەجايى 29,11 ميلليون جولاۋشىمەن ۇستاپ وتىر. ەكىنشى ورىندا ىستامبۇل اۋەجايى 26,46 ميلليون جولاۋشى، ال ءۇشىنشى ورىندا امستەردام 25,48 ميلليون جولاۋشى تاسىمالدادى.
