نيۋ- يوركتەگى اۋكسيوندا ايدىڭ ۇلگىسى ساتىلادى

نۇر-سۇلتان.قازاقپارات - نيۋ- يوركتە ايدىڭ بەتىنەن الىپ كەلىنگەن ۇلگى اۋكسيونعا شىعارىلادى. ءباس ساۋدا ەرتەڭ وتەدى.

اسپان دەنەسىنىڭ بولشەگىن امەريكالىق عارىشكەر نيل ارمسترونگ 1969 -جىلى ايعا «اپوللون-11» عارىش كەمەسىمەن بارعان كەزدە الىپ كەلگەن. ونىڭ قۇنى شامامەن 1 ميلليون 200 دوللارعا باعالانىپ وتىر. اۋكسيوندا عارىشپەن بايلانىستى وزگە دە بۇيىمدار ساتىلادى. مىسالى، 1957 -جىلى عارىشقا «جەرسەرىگى-1» اپپاراتىن الىپ ۇشقان زىمىران تاسىعىشتىڭ بولشەگى جانە 1969 -جىلعى ايدىڭ كارتاسى بار. سوڭعىسىنىڭ قۇنى 30 مىڭ دوللارعا باعالانىپ وتىر.

ادام ستەكحاۋس، Bonhams اۋكسيون ءۇيىنىڭ وكىلى:

- بۇل نيل ارمسترونگ ايعا بارعاندا اسپان دەنەسىنىڭ بەتىنەن جيناپ العان ۇلگىنىڭ ءبىر بولشەگى. ناسا ونى كۇتپەگەن جاعداي تۋىنداپ عارىشكەرلەردى شۇعىل كەرى قايتارۋ كەرەك بولار دەپ العىزعان. بۇل ايدىڭ ۇلگىسى ا ق ش ۇكىمەتى مەن حالقىنىڭ مەنشىگى. ول جەكە قولعا مەملەكەتتىك ساتىلىم ارقىلى وتكەن.

www.24.kz