الماتى پوليتسياسى ءوزىن ورتەگەن ايەل ايىپتاعان قارجى پيراميداسىنا قاتىستى پىكىر ءبىلدىردى
استاناداعى ىشكى ىستەر مينيسترلىگى عيماراتىنىڭ الدىندا ءوزىن ورتەپ جىبەرگەن بولاتىن.
«باعيلا دوسمايىلوۆا Mudarabah Capital قارجى پيراميداسى ءىسى بويىنشا جابىرلەنۋشى دەپ تانىلعان. 10-ساۋىردە ول ءوزىنىڭ Instagram پاراقشاسىندا ولىمىنە مەنى كىنالى دەپ ساناۋدى ءوتىنىپ پوست جاريالادى. ويتكەنى، ونىڭ ايتۋىنشا، مەن «ءىستى جابۋعا اسىعىپ وتىر ەكەنمىن». اتالعان قىلمىستىق ءىس بويىنشا 14 ادام كۇدىككە ىلىنگەن، ونىڭ ەكەۋىنە حالىقارالىق ىزدەۋ جاريالاندى»، - دەپ اتاپ ءوتتى رۋستام ءابدىراحمانوۆ.
پوليتسيا وكىلىنىڭ سوزىنە سەنسەك، التى كۇدىكتى قاماۋدا وتىر، ۇشەۋى كەپىلمەن بوساتىلعان، تاعى ەكەۋى ءۇيقاماققا الىنعان، بىرەۋى - ەشقايدا كەتپەيتىنى جايلى قولحات بەرگەن. قازىرگى تاڭدا قىلمىستىق پروتسەسكە 14 ادام تارتىلدى، ولارعا قىلمىس كودەكسىنىڭ 217-بابى 3-ءبولىمى بويىنشا ايىپ تاعىلعان.
«تاياۋ ارادا پروتسەسكە قاتىسۋشىلار قىلمىستىق ىسپەن تانىسىپ بولعان سوڭ ءىس سوتقا جىبەرىلەدى. كەلگەن ماتەريالدىق شىعىندى ءوندىرۋ ماسەلەسىن سوت قاراپ شەشەدى. ءوز اتىمنان ول كىسىنىڭ تەزىرەك جازىلىپ كەتۋىنە تىلەكتەسپىن. ومىرلىك قيىن جاعدايعا تاپ بولعان كەز كەلگەن ادام ەموتسيالىق كۇيزەلىسكە ۇشىرايتىنى بەلگىلى»، دەيدى پوليتسيا دەپارتامەنتى باستىعىنىڭ ورىنباسارى.
اۆتور: جانات قاپالبايەۆا
