زەرتتەۋ: الەۋمەتتىك جەلى كوبىنە قىز بالاعا زيان

نۇر-سۇلتان. قازاقپارات - الەۋمەتتىك جەلى قىز بالانىڭ پسيحيكاسىنا ۇل بالاعا قاراعاندا ەرتە اسەر ەتەدى.

اسىرەسە، مۇنداي بالالار كۇيزەلىسكە بەرىلگىش كەلەدى. وسىلاي دەيدى كەمبريدج ۋنيۆەرسيتەتىنىڭ عالىمدارى.

الەۋمەتتىك جەلىنىڭ جاس ءوسپىرىمنىڭ پسيحيكاسىنا كەرى اسەر ەتەتىنىن تالاي زەرتتەۋلەر دالەلدەگەن.

ەندى مىنە، ۇلى بريتانيا عالىمدارى دا الەۋمەتتىك جەلىنىڭ زيان ەكەنىن ايتىپ وتىر. اسىرەسە، قىز بالاعا زيانى كوبىرەك كورىنەدى.

عالىمداردىڭ ايتۋىنشا، الەۋمەتتىك جەلىنى ءجيى پايدالاناتىن قىز بالا 11-13 جاسىندا پسيحيكاسى بۇزىلىپ، كۇيزەلىس پەن وزىنە كوڭىلى تولماۋى، ءوزىن جەككورۋ سىندى پسيحولوگيالىق جاي-كۇي ورناۋى مۇمكىن.

ال ۇل بالادا بۇل كەزەڭ 14-15 جاستا باستالاتىن كورىنەدى.

ەڭ قىزىعى سول - الەۋمەتتىك جەلى كىشى جاس وسپىرىمدەرگە قاتتى اسەر ەتەدى دە 19 جاستاعى جاستارعا كوپ زيانىن تيگىزە قويمايدى ەكەن. ءبىراق 19 جاستان اسقانداردا تاعى دا كوڭىل تولماۋى كۇيزەلىسى باستالۋى ىقتيمال. بۇل جولى ۇل مەن قىزدا بىردەي باستالادى.

عالىمداردىڭ ەسەبىنشە، 2017-2021-جىلدارى 5-16 جاس ارالىعىنداعى پسيحيكاسى بۇزىلعان جاس وسپىرىمدەردىڭ سانى 50 پايىزعا دەيىن ءوسىپ كەتكەن.

زەرتتەۋشىلەردىڭ ايتۋىنشا، بۇعان سەبەپ - الەۋمەتتىك جەلىدەگى نەگاتيۆتەر. قازىرگى ەسەپ بويىنشا، ەۋروپا مەكتەپتەرىندەگى ءبىر سىنىپتاعى وقۋشىنىڭ 5 ءۋى پسيحيكاسى بۇزىلعان بولىپ شىعادى ەكەن.

عالىمدار بۇل زەرتتەۋىىن الەۋمەتتىك جەلى جايعان پسيحيكالىق كۇيدىڭ جاي-جاپسارىن تۇسىنۋگە كومەكتەسەدى دەگەن ۇمىتتە.

massaget.kz