18:46, 11 - ءساۋىر 2022 | GMT +5
قازاقستاندىق گيمناست الەم كۋبوگىندە قولا مەدال الدى
سوفيا. قازاقپارات - قازاقستاندىق گيمناست ەلجان تانيەۆا الەم كۋبوگى كەزەڭىنىڭ قولا جۇلدەگەرى اتاندى، دەپ حابارلايدى قازاقپارات.
ۇلتتىق وليمپيادا كوميتەتىنەن ءمالىم ەتكەندەي، بولگاريانىڭ سوفيا قالاسىندا كوركەم گيمناستيكادان الەم كۋبوگى كەزەڭى مارەسىنە جەتتى. قازاقستان قۇراماسىنىڭ سپورتشىسى ەلجان تانيەۆا اتالعان الەمدىك باسەكەدە قولا جۇلدەگە يە بولدى. ول ۇرشىقپەن جاتتىعۋ بويىنشا فينالدا 28,7 ۇپايىن ەنشىلەدى. ايتا كەتەرلىگى، بولگاريالىق ستيليانا نيكولوۆا جارىس جەڭىمپازى اتانسا، يتاليالىق سوفيا راففاەلي كۇمىس الدى.
