قىتاي - ەۋروپا تەمىرجول باعىتتارى «دوستىق - الاشاڭقاي» وتكەلى ارقىلى وتەتىن بولادى

بەيجىڭ. قازاقپارات - ق ح ر «قىتاي - ەۋروپا» باعىتى بويىنشا تەمىرجول جۇك تاسىمالى كولەمىن ارتتىرىپ جاتىر.

بۇل تۋرالى قىتاي تەمىرجول كومپانياسىنىڭ (China State Railway Group) حابارلاماسىندا ايتىلعان، دەپ حابارلايدى قازاقپارات مەنشىكتى ءتىلشىسى.

ق ح ر- دا تەمىرجول كولىگىن دامىتۋدىڭ جاڭا ستراتەگياسى وسى دەمالىس كۇندەرىنەن باستالادى. China State Railway Group مالىمدەمەسىنە سايكەس، جاڭا ستراتەگيا بىرنەشە تەمىرجول جەلىلەرىنىڭ جۇمىسىن وڭتايلاندىرۋعا جانە «قىتاي - ەۋروپا» حابارلاماسىنا حالىقارالىق جۇك پويىزدارىن قوسۋعا مۇمكىندىك بەرەدى.

اتاپ ايتقاندا، ق ح ر- دىڭ ءىرى كولىك- لوگيستيكالىق بازالارىنان (سىچۋان جانە گۋيجوۋ پروۆينسيالارى، چۋڭشين مەگاپوليسى، وڭتۇستىك- باتىس قىتاي) «دوستىق- الاشاڭقاي» حالىقارالىق وتكەلى باعىتىندا جاڭا جۇك باعىتتارى ەنگىزىلۋدە. «قىتاي - ەۋروپا» جۇك پويىزدارىنىڭ جاڭا جەلىلەرى نارىقتىڭ سەنىمىن ارتتىرادى جانە بۇكىل ەل بويىنشا تەمىرجولداردى كەڭىنەن قامتۋ ارقىلى كليەنتتەرگە تاۋارلاردى جەتكىزۋگە كەڭىرەك مۇمكىندىك بەرەدى»، - دەدى شانحاي لوگيستيكالىق كومپانياسىنىڭ باسشىسى توممي تانا.

قىتاي كولىك- لوگيستيكالىق كومپانيالارى وكىلدەرىنىڭ ايتۋىنشا، 2022 -جىلدىڭ ءبىرىنشى توقسانىندا «قىتاي - ەۋروپا» حالىقارالىق تەمىرجول مارشرۋتتارى بويىنشا (وتكەن جىلدىڭ سايكەس كەزەڭىمەن سالىستىرعاندا % 7- عا وسكەن) 3,6 مىڭنان استام جۇك پويىزى جانە جيىرما فۋتتىق ەكۆيۆالەنتتە (%9+) 350 مىڭ كونتەينەر جونەلتىلگەن. قىتايلىق ساراپشىلار مۇنى ەۋروپادان تاپسىرىس سانى كوبەيگەن دەپ تۇسىندىرۋدە.

تاۋارلاردىڭ نەگىزگى ساناتتارىنا اۆتوموبيل بولشەكتەرى، ەلەكتروندى ونىمدەر جانە ترانسشەكارالىق ەلەكتروندىق كوممەرتسيا پلاتفورمالارىندا ساتىلاتىن تاۋارلار كىرەدى.

«دوستىق - الاشاڭقاي» حالىقارالىق وتكەلى - ەۋروپا مەن ازيا ەلدەرى اراسىنداعى ساۋدا- ەكونوميكالىق بايلانىستاردى دامىتۋداعى ماڭىزدى وتكەل. وسىعان دەيىن قازاقستان ارقىلى وتەتىن ترانزيتتىك جۇكتىڭ ءبىر بولىگى تەمىرجولعا اۋىستىرىلاتىنىن حابارلاعان بولاتىنبىز.

تيمۋر سۇلەيمەنوۆ