امەريكالىق عارىش كەمەسى ح ع س- تاعى العاشقى جەكە عارىشكەر ميسسياسىن باستادى
بۇل عارىشكەرلەردىڭ حالىقارالىق عارىش ستانتسياسىنا (ح ع س) ۇشىرىلعان العاشقى جەكە ميسسياسى، دەپ حابارلايدى قازاقپارات جاپونيانىڭ Kyodo اگەنتتىگىنە سىلتەمە جاساپ.
ونى امەريكالىق AXIOM Space Inc كومپانياسى ۇيىمداستىردى.
ۇلتتىق اەروناۆتيكا جانە عارىش كەڭىستىگىن زەرتتەۋ باسقارماسى 2020-جىلى ح ع س- تىڭ كوممەرتسيالىق باعىتىن سالۋ ءۇشىن وسى كومپانيانى تاڭداعان بولاتىن، ويتكەنى عارىش اگەنتتىگى كوممەرتسيالىق ماقساتتا وربيتالىق زەرتحانا اشادى.
10 كۇندىك ميسسيادا يسپانيادا تۋعان NASA- نىڭ بۇرىنعى استروناۆتى مايكل لوپەس-الەگريا جانە اقش، كانادا جانە يزرايل ينۆەستورلارى عىلىمي زەرتتەۋلەر مەن باسقا دا ءىس-شارالار وتكىزەدى.
Axiom مالىمەتتەرى بويىنشا، جاپونيا باسقارىلاتىن عارىش جۇيەلەرى كورپوراتسياسى جاساعان فوتوكاتاليتيكالىق اۋانى تازارتۋ قۇرىلعىسىن قولدانا وتىرىپ، ح ع س- تا اۋانى تازارتۋ جانە كابيناداعى ءيىستى جويۋ ءۇشىن پايدالانىلاتىن زەرتتەۋدى قامتيدى.
جاپوندىق كومپانيا باسپا ءسوز بايانىندا ەلدىڭ ۋنيۆەرسيتەتتەرىمەن بىرلەسىپ، كەز كەلگەن جەردە ورناتۋعا بولاتىن قاراپايىم اۋانى تازارتۋ جۇيەسىن جاساپ جاتقانىن ايتتى.
وسىعان دەيىن امەريكالىق عارىش كەمەسىنىڭ ح ع س- عا جاڭا جۇك جەتكىزەتىنىن جازعان ەدىك.
