14:25, 08 - ءساۋىر 2022 | GMT +5
قازگيدرومەت: الداعى ءۇش كۇندە قازاقستاننىڭ باسىم بولىگىندە جاۋىن جاۋادى
نۇر-سۇلتان. قازاقپارات - «قازگيدرومەت» ر م ك 9-11-ساۋىرگە ارنالعان اۋا رايى بولجامىن جاريالادى، دەپ حابارلايدى قازاقپارات.
«الداعى ءۇش تاۋلىكتە قازاقستان اۋماعىنىڭ باسىم بولىگىندە وڭتۇستىك تسيكلون جانە ونىمەن بايلانىستى اتموسفەرالىق فرونتالدى بولىكتەردىڭ اسەرىنەن اۋا رايى قۇبىلمالى بولادى. ەلدىڭ باسىم بولىگىندە جاڭبىر جاۋىپ، سولتۇستىك- باتىستا تۇندە - قار مەن جاڭبىر جاۋادى. رەسپۋبليكانىڭ وڭتۇستىك جانە وڭتۇستىك- شىعىس وبلىستارىندا كەي كەزدەرى نوسەر جاڭبىر جاۋىپ، نايزاعاي وينايدى. قازاقستاننىڭ سولتۇستىك، شىعىس وبلىستارى عانا سولتۇستىك- باتىس انتيسيكلونىنىڭ ىقپالىندا بولادى. وسىعان بايلانىستى مۇندا كۇن اشىق بولادى جانە تەمپەراتۋرانىڭ بىرتىندەپ كوتەرىلۋى مۇمكىن. رەسپۋبليكا بويىنشا تۇمان ءتۇسىپ، جەل كۇشەيەدى»، - دەلىنگەن سينوپتيكتەردىڭ حابارلاماسىندا.
