حالىقارالىق ىزدەۋ سالىنعان «مەرگەن» الماتىدا ۇستالدى
ەسكە سالايىق، قايعىلى وقيعا 25- اقپان كۇنى كەشكىسىن تاراز قالاسىنىڭ ورتالىعىنداعى ءدامحانالاردىڭ بىرىندە بولعان ەدى. وندا جاس جىگىتتەر ءوزارا اتىسقان. وقيعا ورنىنا جەدەل پوليتسيا جىبەرىلدى. جامبىل وبلىستىق پوليتسيا دەپارتامەنتى باسپا ءسوز قىزمەتىنىڭ حابارلاۋىنشا، 7 -ساۋىردە پوليتسەيلەر ەكى تۇرعىنعا وق اتقان كۇدىكتىنى ۇستادى.
«انىقتالعانداي، 36 جاستاعى تاراز قالاسىنىڭ تۇرعىنىنا ق ر ق ك 24-بابى، 3-بولىگى، 99-بابى 1-بولىگىندە قاراستىرىلعان قىلمىس جاسادى دەگەن كۇدىكپەن حالىقارالىق ىزدەۋ جاريالانعان. جەدەل- ىزدەستىرۋ شارالارى بارىسىندا ونىڭ قايدا ەكەنى انىقتالىپ، الماتى قالاسىندا پوليتسيا قىزمەتكەرلەرى ونى ۇستادى»، - دەدى ۆەدومستۆونىڭ باسپا ءسوز قىزمەتىنەن.
كۇدىكتى كىناسىن تولىق مويىنداپ، تاراز قالاسىنداعى تەرگەۋ يزولياتورىنا قامالدى. تەرگەۋ شارالارى ءجۇرىپ جاتىر.
اۆتور: اقبوپە ءابدراسۋل
