ەرلان قارين ساياسي قۋعىن-سۇرگىن قۇرباندارىن تولىق اقتاۋ كوميسسياسىنىڭ وتىرىسىن وتكىزدى

None
None
نۇر-سۇلتان. قازاقپارات - مەملەكەتتىك حاتشى ەرلان قارين ساياسي قۋعىن-سۇرگىن قۇرباندارىن تولىق اقتاۋ جونىندەگى مەملەكەتتىك كوميسسيانىڭ وتىرىسىن وتكىزدى، دەپ حابارلايدى قازاقپارات.

جيىندا زەرتتەۋشى عالىمدار جۇرگىزگەن عىلىمي ىزدەنىستەردىڭ ناتيجەلەرى، مەملەكەتتىك كوميسسيانى زاڭدىق جانە تەرمينولوگيالىق تۇرعىدان قامتاماسىز ەتۋ ماسەلەلەرى قارالدى.

مەملەكەتتىك حاتشى كوميسسيا شەڭبەرىندە ارحيۆ ماتەريالدارىن ىزدەۋ مەن تالداۋدىڭ ءتيىمدى جۇيەسى قۇرىلعانىن، تاريحي جانە عىلىمي قۇجاتتاردىڭ كولەمى قالىپتاسقانىن اتاپ ءوتتى.

سونىمەن قاتار، مەملەكەتتىك كوميسسيانىڭ 2022-جىلعا ارنالعان جۇمىسىنىڭ باسىم باعىتتارى، اتاپ ايتقاندا، جيناقتالعان ارحيۆ ماتەريالىنا عىلىمي جانە زاڭدىق باعا بەرۋدى ۇيىمداستىرۋ، تەرمينولوگيالىق بازانى قالىپتاستىرۋ، ساياسي قۋعىن-سۇرگىن قۇرباندارىن اقتاۋ باعىتىنداعى زاڭنامانى جەتىلدىرۋگە قاتىستى تۇجىرىمدامالىق قۇجاتتاردىڭ جوبالارىن دايىنداۋ ماسەلەلەرى قاراستىرىلدى.

وتىرىس قورىتىندىسى بويىنشا مەملەكەتتىك حاتشى جوبالىق وفيستى ترانسفورماتسيالاۋعا، جۇمىس توپتارىن وڭتايلاندىرۋعا جانە كوميسسيا قىزمەتىن جاڭا مىندەتتەرگە بۇرۋعا قاتىستى ءبىرقاتار تاپسىرمالار بەردى.


سوڭعى جاڭالىقتار