سەرىك شاپكەنوۆ اتىراۋ وبلىسىنىڭ اكىمى لاۋازىمىنا تاعايىندالدى

اتىراۋ. قازاقپارات - پرەزيدەنتتىڭ جارلىعىمەن سەرىك جامبىل ۇلى شاپكەنوۆ اتىراۋ وبلىسىنىڭ اكىمى لاۋازىمىنا تاعايىندالدى، دەپ حابارلايدى قازاقپارات.

«سەرىك جامبىل ۇلى شاپكەنوۆ اتىراۋ وبلىسىنىڭ اكىمى بولىپ تاعايىندالسىن، ول قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ ءمينيسترى لاۋازىمىنان بوساتىلسىن» دەلىنگەن پرەزيدەنت جارلىعىندا.

سەرىك جامبىل ۇلى 1979 -جىلى 29- شىلدەدە تۋعان. م. وتەمىسوۆ اتىنداعى باتىس قازاقستان مەملەكەتتىك ۋنيۆەرسيتەتىنىڭ ەكونوميكالىق كيبەرنەتيكا فاكۋلتەتىن بىتىرگەن (2000)، ەكونوميست- ماتەماتيك.

ەڭبەك جولى: 2000 -جىلدان - م. وتەمىسوۆ اتىنداعى باتىس قازاقستان مەملەكەتتىك ۋنيۆەرسيتەتىنىڭ وقىتۋشىسى. 2001 -جىلدان - باتىس قازاقستان وبلىستىق قورشاعان ورتانى قورعاۋ قورىنىڭ جەتەكشى مامانى. 2002 -جىلدىڭ ماۋسىمىنان - باتىس قازاقستان قارجى باسقارماسىنىڭ جەتەكشى مامانى، 2003 -جىلدان - باس مامانى. 2006 -جىلدىڭ قاڭتارىنان – ب ق و ەكونوميكا جانە بيۋدجەتتىك جوسپارلاۋ دەپارتامەنتى شىنايى سەكتوردى دامىتۋ ءبولىمىنىڭ باستىعى.

2006 -جىلدىڭ ناۋرىزىنان – ب ق و اۋىل شارۋاشىلىعى دەپارتامەنتى اكىمشىلىك ءبولىمىنىڭ باستىعى. 2007 -جىلدىڭ قاڭتارىنان – ب ق و اۋىل شارۋاشىلىعى دەپارتامەنتى ديرەكتورىنىڭ ورىنباسارى.

2007 -جىلدىڭ قازانىنان – ب ق و ەكونوميكا جانە بيۋدجەتتىك جوسپارلاۋ دەپارتامەنتى باستىعىنىڭ ورىنباسارى. 2009 -جىلدىڭ قىركۇيەگىنەن - باتىس قازاقستان وبلىسى ەكونوميكا جانە بيۋدجەتتىك جوسپارلاۋ باسقارماسىنىڭ باستىعى.

2014 -جىلدان – ق ر پرەزيدەنتى اكىمشىلىگىنىڭ مەملەكەتتىك باقىلاۋ جانە ۇيىمداستىرۋ- اۋماقتىق جۇمىس ءبولىمىنىڭ مەملەكەتتىك ينسپەكتورى. 2016-2018 -جىلدارى - اتىراۋ قالاسىنىڭ اكىمى. اتىراۋ وبلىسى اكىمىنىڭ ورىنباسارى (2018-2020).

قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ ۆيتسە- ءمينيسترى (2020-2021). 2021 -جىلدىڭ قاڭتار ايىنان بەرى ەڭبەك جانە حالىقتى الەۋمەتتىك قورعاۋ ءمينيسترى بولىپ قىزمەت اتقاردى.

***

مەملەكەت باسشىسىنىڭ جارلىعىمەن ماحامبەت جولداسقالي ۇلى دوسمۇحامبەتوۆ اتىراۋ وبلىسىنىڭ اكىمى لاۋازىمىنان بوساتىلدى.

ماحامبەت جولداسقالي ۇلى 1960 -جىلى 25 -جەلتوقساندا اتىراۋ وبلىسىندا تۋعان. 1983 -جىلى ي. م. گۋبكين اتىنداعى ماسكەۋ مۇناي- حيميا جانە گاز ونەركاسىبى ينستيتۋتىن «گەولوگيا جانە مۇناي- گاز كەن ورىندارىن بارلاۋ» ماماندىعى بويىنشا بىتىرگەن.

2016 -جىلى قازاق مەملەكەتتىك زاڭ ۋنيۆەرسيتەتى، ىسكەرلىك اكىمشىلىك ماگيسترى بولعان. ەڭبەك قىزمەتىن 1983 -جىلى «ەمبى مۇناي» بىرلەستىگىنىڭ بالىقشى بارلاۋ بۇرعىلاۋ باسقارماسىنىڭ گەولوگى رەتىندە باستاعان. ءتۇرلى جىلدارى «ماڭعىستاۋمۇنايگاز» ا ق- دا باس گەولوگ، گەولوگيا جانە گەوفيزيكا بويىنشا باس ديرەكتوردىڭ ورىنباسارى، گەولوگيا جانە وڭدەۋ بويىنشا باس ديرەكتوردىڭ ورىنباسارى، باس ديرەكتوردىڭ ءبىرىنشى ورىنباسارى - باسقارما مۇشەسى بولعان.

سوڭعى جىلدارى «ەمبى مۇنايگاز» ا ق باس ديرەكتورى (باسقارما ءتوراعاسى)، «قازمۇناي گاز» ۇ ك ا ق گەولوگيا بويىنشا باسقارۋشى ديرەكتورى - باس گەولوگ، ءىرى جوبالار بويىنشا باسقارما ءتوراعاسىنىڭ ورىنباسارى جانە ءىرى وپەراتسيالىق ەمەس اكتيۆتەر جانە تەڭىز جوبالارى بويىنشا باس ۆيتسە- پرەزيدەنتى لاۋازىمدارىن اتقارعان.

2016-2019 -جىلدارى قازاقستان رەسپۋبليكاسى ەنەرگەتيكا ءمينيسترىنىڭ ءبىرىنشى ورىنباسارى قىزمەتىن اتقاردى. 2019 -جىلدىڭ جەلتوقسان ايىنان بەرى اتىراۋ وبلىسىنىڭ اكىمى قىزمەتىن اتقارىپ كەلدى. «قازاقستان رەسپۋبليكاسىنىڭ تاۋەلسىزدىگىنە 10 جىل» مەدالىمەن ماراپاتتالعان.