قازاقستان مەن سينگاپۋر اقتاۋ پورتىندا كونتەينەرلىك حاب قۇرماق
كەزدەسۋ بارىسىندا كولىك- لوگيستيكا سالاسىنداعى ىنتىماقتاستىق پەرسپەكتيۆالارى، ونىڭ ىشىندە اقتاۋ پورتىندا كونتەينەرلىك حاب قۇرۋ جوباسى، كەدەندىك جانە ساۋدا ۇردىستەرىن سيفرلاندىرۋ ماسەلەلەرى تالقىلاندى. كومپانيا وكىلدەرى ترانسكاسپي حالىقارالىق كولىك باعدارىمەن تاسىمالداردى ودان ءارى دامىتۋعا قىزىعۋشىلىق تانىتتى. كەزدەسۋ قورىتىندىسىندا تاراپتار ءتيىستى جول كارتاسىن بەكىتۋگە كەلىستى.
مەملەكەت باسشىسىنىڭ تاپسىرماسىنا سايكەس ق ر ي ي د م كولىك كوميتەتى اقتاۋ پورتىندا كونتەينەرلىك حاب قۇرۋ بويىنشا جۇمىس جۇرگىزۋدە. جوبا «قۋاتتى وڭىرلەر - ەل دامۋىنىڭ درايۆەرى» ۇلتتىق جوباسىنا ەنگەن. كونتەينەرلىك حاب قۇرۋ پورت ارقىلى وتەتىن كونتەينەر اعىنىن 100 مىڭ جفە دەيىن ۇلعايتۋعا مۇمكىندىك بەرەدى. بيىل I توقساننىڭ قورىتىندىسىندا اقتاۋ جانە قۇرىق تەڭىز پورتتارى ارقىلى كونتەينەرلىك تاسىمال كولەمى وتكەن جىلدىڭ سايكەس كەزەڭىمەن سالىستىرعاندا %4 عا وسكەنىن ايتا كەتۋ كەرەك.
