پاۆلودار وبلىسىندا رەسەي ازاماتتىعىن العان زەينەتكەر ەلدەن قۋىلدى
بۇل تۋرالى پاۆلودار وبلىسى پوليسيا دەپارتامەنتىنىڭ باسپا ءسوز قىزمەتى مالىمدەدى.
«ناۋرىز ايىنىڭ 29- كۇنى 71 جاستاعى ەر ادام قازاقستان رەسپۋبليكاسى ازاماتى بولا تۇرا، رەسەي فەدەراتسياسى ازاماتتىعىن الىپ، زاڭنامادا بەلگىلەنگەن مەرزىم ىشىندە شەتەل ازاماتتىعىن العانىن حابارلاماعان. ەر ادامنىڭ اتىنا ق ر ا ق ب ت ك 496-بابىنىڭ 2-بولىگى بويىنشا اكىمشىلىك ماتەريال جاسالدى. سوت ماتەريالدى قاراپ، شەتەل ازاماتىن ەلدەن شىعارۋ جونىندە شەشىم قابىلدادى»، - دەدى شارباقتى اۋدانى پوليسيا ءبولىمىنىڭ باستىعى ەرمەك ءالجانوۆ.
ايتا كەتەيىك، ق ر ا ق ب ت ك 496-بابىنىڭ 2-بولىگىنە سايكەس ەل ازاماتى شەتەلدىك ازاماتتىقتى الۋ تۋرالى فاكتىنى قازاقستان زاڭناماسىندا بەلگىلەنگەن مەرزىمدە حابارلاماسا 200 ا ە ك مولشەرىندە ايىپپۇل تولەيدى نەمەسە قازاقستان رەسپۋبليكاسى شەكاراسىنان شىعارىلادى.