17:01, 06 - ءساۋىر 2022 | GMT +6
قازاقستان جانە قىرعىز پرەزيدەنتتەرى ارىپتەستىك پەرسپەكتيۆالارىن تالقىلادى
نۇر- سۇلتان. قازاقپارات - قاسىم- جومارت توقايەۆ قىرعىزستان پرەزيدەنتى سادىر جاپاروۆپەن تەلەفون ارقىلى سويلەستى، دەپ حابارلايدى اقوردا.
پرەزيدەنتتەر ساۋدا- ەكونوميكالىق ىنتىماقتاستىق پەن حالىقارالىق ارەناداعى ءوزارا ءىس- قيمىلدى نىعايتۋعا باسا نازار اۋدارا وتىرىپ، قازاق- قىرعىز ستراتەگيالىق ارىپتەستىگىنىڭ دامۋ پەرسپەكتيۆالارىن تالقىلادى. مەملەكەت باسشىسى بيىلعى مامىر ايىندا قىرعىزستانعا جاسايتىن مەملەكەتتىك ساپارى ەكى ەل اراسىنداعى ستراتەگيالىق ارىپتەستىككە ءسوزسىز تىڭ سەرپىن بەرەتىنىن اتاپ ءوتتى.
قاسىم- جومارت توقايەۆ سادىر جاپاروۆتى قۇمتور التىن كەن ورنىنىڭ مارتەبەسى تۋرالى كەلىسسوزدىڭ ءساتتى اياقتالۋىمەن قۇتتىقتادى. بۇدان بولەك پرەزيدەنتتەر ءبىرىن- ءبىرى قاسيەتتى رامازان ايىنىڭ باستالۋىمەن قۇتتىقتادى.