الماتى وبلىسىندا بالىق اۋلاۋعا تىيىم سالىندى
ىلە وزەنىنىڭ قاپشاعاي گيدروەلەكتر ستانتسياسىنان ارالتوبە اۋىلىنا دەيىنگى ارالىعىندا ماۋسىم ايىنىڭ 5 ىنە دەيىن بالىق ۇستاۋعا بولمايدى. قاپشاعاي سۋ قويماسى مەن قاراتال، اقسۋ، لەپسى وزەندەرىندە جانە بالقاش كولىندە بۇل شەكتەۋ 15-ساۋىردەن باستاپ ەنگىزىلەدى. ويتكەنى اتالعان سۋ ايدىندارىنداعى بالىقتاردىڭ ۋىلدىرىق شاشۋ كەزەڭى 10 شاقتى كۇن كەشىرەك باستالادى. بۇل تابيعي قۇبىلىستىڭ اۋا رايى مەن سۋدىڭ تەمپەراتۋراسىنا بايلانىستى بولاتىنى عىلىمي تۇرعىدان دالەلدەنگەن. مۇنداي عىلىمي زەرتتەۋلەر قازىر الاكولدە دە جۇرگىزىلىپ جاتىر. جەتىسۋ وڭىرىندەگى بالىق اۋلاۋ مەرزىمى ماۋسىم ايىنىڭ باسىندا اشىلادى.
اينۇر قالدايەۆا، وبلىسارالىق بالىق ينسپەكتسياسىنىڭ ءبولىم باسشىسى:
- عىلىمي زەرتتەۋ نەگىزىندە وسى جىلى بىزدە قاپشاعاي سۋ قويماسىنىڭ بالىق اۋلاۋ مەرزىمى وزگەرتىلدى. قاپشاعاي سۋ قويماسى مەن وعان قۇياتىن بارلىق وزەندەردىڭ ساعاسىندا 15 -ءساۋىر مەن 30 -مامىر ارالىعىندا بالىق اۋلاۋعا تىيىم سالۋ مەرزىمى بەكىتىلەدى، بەكىتىلدى. تابيعي جاعدايعا بايلانىستى شەگەرىلىم بولدى.
www.24.kz
