مينيستر تۇرعىن ءۇي باعاسىنا قاتىستى پىكىر ءبىلدىردى

None
None
نۇر- سۇلتان. قازاقپارات - ق ر يندۋستريا جانە ينفراقۇرىلىمدىق دامۋ ءمينيسترى قايىربەك وسكەنبايەۆ ەلىمىزدەگى تۇرعىن ءۇي باعاسىنا قاتىستى تۇسىنىك بەردى، دەپ حابارلايدى قازاقپارات ءتىلشىسى.

«ءدال قازىر تۇرعىن ءۇي باعاسىنا قاتىستى بولجام جاساۋ قيىنعا سوعادى. وتكەن جىلى ەلىمىزدە تۇرعىن ءۇي باعاسىنا زەينەتاقى قورىنداعى جيناقتى قولدانۋ مۇمكىندىگى اسەر ەتتى. سايكەسىنشە، سۇرانىس بىرنەشە ەسەگە ارتتى. بيىل دا بايقاعانىمىزداي تۇرعىن ۇيگە دەگەن سۇرانىس جوعارى. ءبىز الداعى ۋاقىتتا باسپانا باعاسى تۇراقتالادى دەپ بولجام وتىرمىز. ءبىزدىڭ ەسەپكە سايكەس ەلىمىزدە جىل سايىن شاشامەن 330 مىڭ پاتەر پايدالانۋعا بەرىلەدى. سول كەزدە باعا دا تۇراقتالادى دەگەن ويدامىز»، - دەدى قايىربەك وسكەنبايەۆ ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.

ءمينيستردىڭ مالىمدەۋىنشە، تۇرعىن ءۇي باعاسى ءتول تەڭگەنىڭ نارىقتاعى جاعدايىنا دا بايلانىستى. «تەڭگە تۇراقسىزدانسا تۇرعىندار تابىسىن جىلجىمايتىن مۇلىككە سالىپ جاتادى. سوندىقتان ءدال قازىر ناقتى ءبىر بولجام ايتۋعا ەرتە»، - دەيدى ول.

بۇعان دەيىن يندۋستريا جانە ينفراقۇرىلىمدىق دامۋ ءمينيسترى وتاندىق اۆتوموبيل ونەركاسىبىنىڭ الەۋەتىن ءسوز ەتتى.

اۆتور: ءالي يبرايەۆ

سوڭعى جاڭالىقتار