مەملەكەتتىك ساتىپ الۋداعى جەمقورلىق جاساندى ينتەللەكت ارقىلى انىقتالماق

None
None
نۇر- سۇلتان. قازاقپارات - سىبايلاس جەمقورلىققا قارسى ءىس- قيمىل اگەنتتىگىنىڭ ءتوراعاسى ولجاس بەكتەنوۆ پەن ا ق ش- تىڭ قازاقستانداعى ەلشىلىگىنىڭ ۋاقىتشا سەنىمدى وكىلى دجۋدي كۋون اراسىندا كەزدەسۋ ءوتتى، دەپ حابارلايدى قازاقپارات ق ر سىبايلاس جەمقورلىققا قارسى ءىس- قيمىل اگەنتتىگىنىڭ باسپا ءسوز قىزمەتىنە سىلتەمە جاساپ.

تاراپتار ەلىمىزدە جۇرگىزىلىپ جاتقان سىبايلاس جەمقورلىققا قارسى رەفورمالاردى جانە ا ق ش- تىڭ سىبايلاس جەمقورلىققا قارسى ءىس- قيمىل ماسەلەلەرىنە كومەك كورسەتۋ باعدارلامالارىن تالقىلادى. اگەنتتىك باسشىسى 2022-2026 -جىلدارعا ارنالعان سىبايلاس جەمقورلىققا قارسى ساياسات تۇجىرىمداماسىندا بەلگىلەنگەن باسىمدىقتارعا ەگجەي- تەگجەيلى توقتالدى. ءوز كەزەگىندە ا ق ش ديپلوماتى اگەنتتىكتىڭ اشىقتىعىن اتاپ ءوتىپ، ىنتىماقتاستىقتى كۇشەيتۋگە دايىن ەكەندىگىن ءبىلدىردى.

تاراپتار مەملەكەتتىك ساتىپ الۋلارداعى سىبايلاس جەمقورلىقتى انىقتاۋ ءۇشىن جاساندى ينتەللەكت جۇيەلەرىن ازىرلەۋ جانە سىبايلاس جەمقورلىققا قارسى جاڭا تەتىكتەردى ازىرلەۋ ماسەلەلەرىن تالقىلادى. وتكەن جىلى قابىلدانعان سىبايلاس جەمقورلىققا قارسى كۇرەستى ا ق ش- تىڭ ۇلتتىق قاۋىپسىزدىگى مەن سىبايلاس جەمقورلىققا قارسى كۇرەس ستراتەگياسىنىڭ نەگىزگى مۇددەلەرىنىڭ ءبىرى دەپ تانۋ تۋرالى مەموراندۋمدى ەسكەرە وتىرىپ، امەريكالىق تاراپ قازاقستانداعى وسى باعىتتاعى رەفورمالارعا جاردەمدەسۋگە دايىن ەكەنىن ءبىلدىردى.

كەزدەسۋ سوڭىندا تاراپتار ەكىجاقتى ىنتىماقتاستىقتى ودان ءارى نىعايتۋعا كەلىستى. بۇل جۇمىستىڭ ماڭىزدى قۇرامداس بولىگى اعىمداعى جىلدىڭ مامىر ايىنان باستاپ اگەنتتىك قىزمەتكەرلەرىن وقىتۋدى قامتيتىن ەكى جىلدىق جوبانى ىسكە اسىرۋ بولادى.

سوڭعى جاڭالىقتار