سپورت مەكتەپتەرىنىڭ بالالارى تەگىن ۇيىرمەگە قاتىسۋشى رەتىندە تىركەلىپ كەلگەن

نۇر- سۇلتان. قازاقپارات - ۇكىمەت وتىرىسىندا ق ر مادەنيەت جانە سپورت ءمينيسترى داۋرەن ابايەۆ بالالارعا ارنالعان تەگىن ۇيىرمەلەردى قارجىلاندىرۋ ىسىندەگى بىلىقتار تۋرالى مالىمەت بەردى، دەپ حابارلايدى قازاقپارات ءتىلشىسى.

« Art sportباعدارلاماسىن مۇقيات ناقتىلاۋ قاجەت. ەڭ الدىمەن، ونى مەملەكەتتىك دەرەكتەر بازاسىمەن ينتەگراتسيالاۋ كەرەك. جۇيە جۇمىسىندا قۇجاتتا بار، ومىردە جوق جانداردى قارجىلاندىرۋعا، كەلۋشىلەر سانىن قولدان كوبەيتۋگە، جەتكىزۋشىلەر مەن قارجىلاندىرۋدىڭ قايتالانۋىنا، بالالاردى سەكسيالار مەن ۇيىرمەلەرگە جەتكىزۋشىلەردىڭ ءوز قولىمەن قابىلداۋىنا مۇمكىندىك بەرەتىن ولقىلىقتار بار»، - دەدى ۆەدومستۆو باسشىسى.

ونىڭ ايتۋىنشا، ءبىر جاتتىقتىرۋشى ۇيىرمە قىزمەتىن ۇسىناتىن بىرنەشە مەكەمەنىڭ وتىنىمدەرىندە قاتار جۇرەتىن جاعدايلار ءجيى كەزدەسەتىن كورىنەدى.

«ءتىپتى سپورت مەكتەپتەرىنىڭ وقۋشىلارىن ۇيىرمەگە قاتىسۋشى رەتىندە تىركەۋ فاكتىلەرى انىقتالدى. شىن مانىندە، بۇل وسىنداي ولقىلىقتاردىڭ سالدارىنان الاياقتىق سحەمالار مەن قىزمەتتى اسىرا پايدالانۋ بەلەڭ الۋدا. ال ودان ادال جولمەن جۇمىس ىستەيتىن ۇيىرمە قىزمەتىن ۇسىنۋشىلار مەن ۇيىرمەگە شىن مۇقتاج بالالار زارداپ شەگەدى»، - دەدى داۋرەن ابايەۆ.

اۆتور: ەسىمجان ناقتىباي