توقايەۆ پەن ميرزيەۆ ءبىر- ءبىرىن قاسيەتتى رامازان ايىنىڭ باستالۋىمەن قۇتتىقتادى

نۇر- سۇلتان. قازاقپارات - مەملەكەت باسشىسى قاسىم- جومارت توقايەۆ وزبەكستان پرەزيدەنتى شاۆكات ميرزيەۆپەن تەلەفون ارقىلى سويلەستى، دەپ حابارلايدى اقوردا.

پرەزيدەنتتەر قازاقستان مەن وزبەكستان اراسىنداعى ستراتەگيالىق سەرىكتەستىكتى دامىتۋدىڭ جانە ايماقتىق كووپەراتسيانى كەڭەيتۋدىڭ پەرسپەكتيۆالارىن تالقىلادى. ەكى ەل باسشىلارى ساۋدا- ەكونوميكالىق جانە ءوزارا مۇددەنى كوزدەيتىن باسقا دا سالالارداعى ىنتىماقتاستىقتى جانداندىرۋعا ەرەكشە نازار اۋداردى.

تاراپتار وزبەك كوشباسشىسىنىڭ بىلتىر جەلتوقساندا قازاقستانعا مەملەكەتتىك ساپارى بارىسىندا قول جەتكىزىلگەن ۋاعدالاستىقتاردى ءتيىمدى جۇزەگە اسىرۋ ماسەلەلەرى جونىندە پىكىر الماستى. اڭگىمە سوڭىندا قاسىم- جومارت توقايەۆ پەن شاۆكات ميرزيەۆ ءبىرىن- ءبىرى قاسيەتتى رامازان ايىنىڭ باستالۋىمەن قۇتتىقتادى. تەلەفون ارقىلى سويلەسۋگە وزبەكستان تاراپى باستاماشى بولدى.